Google සමාගමේ Pixel ජංගම දුරකථන මාලාවේ මීළඟ ජංගම දුරකථනය වන Google Pixel 4 ජංගම දුරකථනය ගැන මේ වන විටත් බොහෝ තොරතුරු අන්තර්ජාලය පුරා දකින්නට ලැබෙනවා.
මේ Pixel 4 ජංගම දුරකථනයේ පෙනුම සහ එහ පහසුකම් වන Face Unlock සහ Soli Gestures භාවිතා වෙන බව මීට පෙර Google සමාගම විසින් ම සනාථ කරන ලද බව මෙන්ම, ස්පාඤ්ඤ ජාතිකයෙකු විසින් මෙහි Promotional video එකක් ද නිකුත් කිරීමට කටයුතු කළ බව අපි ඔබව දැනුවත් කළා මතක ඇති.
![](https://technews.lk/content/images/2019/07/google-confirms-face-unlock-and-soli-gestures-for-the-pixel-4-tech-news-sri-lanka.jpg)
ඔන්න දැන්, Google සමාගම විසින් මෙය නිකුත් කිරීමට නියමිත දිනය, වේලාව සහ ස්ථානය පිළිබඳව නිළ වශයෙන් ප්රකාශ කිරීමට කටයුතු කර තිබෙනවා.
![](https://technews.lk/content/images/2019/09/google-pixel-4-event-tech-news-sri-lanka.jpg)
මේ අනුව මීළ ග ඔක්තෝම්බර් මස 15 වැනි දින ශ්රී ලංකාවේ වේලාවෙන් රාත්රී 10:30ට New York නගරයේදී මෙම event එක පැවැත්වීමට නියමිත වන අතර මෙම event එක සජීවීව විකාශය කිරීමට නියමිත YouTube live stream එක ද මේ වන විට නිකුත් කිරීමට ඔවුන් කටයුතු කර තිබෙනවා.
මෙවර Made By Google event එක අතරතුරදී ද Pixel 4 සහ Pixel 4 XL ජංගම දුරකථන වලට අමතරව තවත් උපාංග එළිදැක්වීමට Google සමාගම කටයුතු කරනු ඇති බවට විශ්වාස කෙරෙනවා.
මේ ගැන වැඩිදුර විස්තර දැනගැනීම සඳහා XDA-Developers වෙබ් අඩවිය හා The Verge වෙබ් අඩවිය භාවිතා කළ හැක.