Realme සමාගම smartphone වෙළඳපොලට පිවිස තවමත් අවුරුදු 2ක් පමණක් ගතවී තිබුණ ද, ඉතාමත් කෙටි කාලයක් තුළ රටවල් සහ කලාප 61ක් පුරා තමන්ගේ ව්‍යාපාර කටයුතු පැතිරවීම හරහා ලොව වේගයෙන්ම වර්ධනය වන ජංගම දුරකථන වෙළඳනාමය බවට පත් වුණා.

ලොව වේගයෙන්ම වර්ධනය වන ජංගම දුරකථන වෙළඳනාමය ලෙස Realme වාර්තා අතරට එකතු වෙයි
Realme සමාගම මෑතකදී ඔවුන්ගේ flagship ජංගම දුරකථනය වන X2 Pro ජංගම දුරකථනයඑළිදැක්වීමට කටයුතු කළ අතර එය යුරෝපීය වෙළඳපොලට නිකුත් කිරීමට කටයුතු කරනු ලැබුවා. මේ Realme සමාගම [https://en.wikipedia.org/wiki/Realme] සම්බන්ධයෙන් අන්තර්ජාලයේවාර්තා වූ අලුත්ම පුවතයි වන්නේ Counterpoint ආයතනය විසින් 2019 වර්ෂයේ…

එමෙන්ම Realme සමාගම සමඟින් ලොව පුරා පරිශීලකයින් මිලියන 45ක පමණ ප්‍රමාණයක් මේ වන විටත් එකතු වී සිටින බව මේ වන විට Weibo වෙබ් අඩවිය හරහා නිවේදනයක් නිකුත් කිරීමට ද කටයුතු කර තිබෙනවා.

එමෙන්ම Realme සමාගමෙහි නිර්මාතෘ සහ ප්‍රධාන විධායක නිලධාරි Li Bingzhong (Sky Li) විසින් තම සමාගමේ ඉදිරි ගමන සහ ඔවුන්ගේ මීළඟ ඉලක්කය පිළිබඳ විස්තර Weibo හරහා share කර ගැනීමට කටයුතු කර තිබෙන අතර එහිදී ඔහු විසින් පසුගිය වසර දෙක තුළ සිය වෙළඳ නාමය ලබා ඇති ජයග්‍රහණ පිළිබඳව ද සවිස්තරාත්මකව විස්තර කිරීමට කටයුතු කර තිබෙනවා.

Li Bingzhong විසින් සිය ලිපියේ සඳහන් කර ඇත්තේ Realme සමාගම අඛණ්ඩව කාර්තු හතරක් තුළ වේගයෙන්ම වර්ධනය වන smartphone සන්නාමය බවයි. සියල්ලටත් වඩා, වෙළඳපල හිමිකාරීත්වය අනුව එය පසුගිය කාර්තුවේදී ගෝලීය වශයෙන් 7 වන ස්ථානයට පත්විය.

Realme සමාගම ස්ථාපනය කරන විට, නව smartphone වෙළඳ නාමයක් ප්‍රචලිත කිරීම සඳහා ඉඩක් තිබේදැයි යන්න බොහෝ දෙනා ප්‍රශ්න කළ බව ඔහු ප්‍රකාශ කරන අතර, ඔහුගේ වෙළඳ නාමය නව වෙළඳ නාමවලට වෙළඳපොලේ ස්ථානයක් ඇති බව ඔප්පු කල බව ඔහු විසින් සඳහන් කරනවා.

ඉදිරි වසර දෙක තුළදී Realme සන්නාමය AIoT (AI-IoT) කෙරෙහි වැඩි අවධානයක් යොමු කරනු ඇති අතර වෙළඳපල තුළ සිය ව්‍යාප්තිය තවත් පුළුල් කරනු ඇති බවත්, දකුණු ආසියාව, අග්නිදිග ආසියාව, මැදපෙරදිග, අප්‍රිකාව, යුරෝපය, ලතින් ඇමරිකාව, චීනය සහ රුසියාව වැනි සෑම කලාපයකම පාහේ ප්‍රමුඛ පෙළේ දුරකතන නාමය ලෙස Realme සන්නාමය ව්‍යාප්ත කිරීම ඔහුගේ අපේක්ෂාවයි.

එමෙන්ම වාර්ෂිකව smartphones මිලියන 100 ක් අලෙවි කිරීම Realme සමාගමෙහි මීළග ඉලක්කය බව ඔහු විසින් වැඩිදුරටත් සඳහන් කර තිබෙනවා.

මේ ගැන වැඩිදුර විස්තර දැනගැනීම සඳහා Gizmochina වෙබ් අඩවිය සහ Weibo වෙබ් අඩවිය (චීන) භාවිතා කළ හැක.