OnePlus යනු මේ වන විට ජංගම දුරකථන, රූපවාහිනී, OnePlus Buds ආදී උපාංග සමගින් පැමිණෙන ප්‍රමුඛ පෙළේ චීන සමාගමක් වන බව ඔබ දැනටමත් දන්නා කාරණාවක් වෙනවා.

එයින් නොනැවතී ඔවුන් smartwatch වෙළඳපොළට ද පිවිසීමට සූදානමින් සිටින බව මේ වනවිට වාර්තා වන අතර මේ අනුව OnePlus Watch නමින් smartwatch එකක් නිකුත් කිරීමට ඔවුන් කටයුතු කරමින් සිටින බව දැනගන්නට ලැබෙනවා.

මෙම smartwatch එක පිළිබඳව සිංගප්පූරුවේ IMDA ආයතනය විසින් තහවුරු කර ඇති අතර OnePlus සමාගමේ සේවය කරනු ලැබූ සේවකයෙකු ද එම සමාගම විසින් smartwatch එකක් සම්බන්ධයෙන් පරීක්ෂණ කරමින් සිටින බව සඳහන් කර තිබෙනවා.

Model අංක W301GB ලෙස නම් කර ඇති මෙම නවතම නිෂ්පාදනයේ අත්හදාබැලීම් කටයුතු 2020 වසරේ මුල සිටම සිදුකෙරෙමින් පවතින බව ද වාර්ථා වෙනවා.

OnePlus සමාගමේ සහෝදර සමාගමක් වන Vivo ආයතනය ද මේ වන විට smartwatch එකක් සම්බන්ධයෙන් අත්හදාබැලීම් සිදු කරමින් සිටින බව මීට පෙර අපි ඔබව දැනුවත් කළා මතක ඇති.

3C Certification එක ලැබීමත් සමඟ Vivo සමාගම විසින් නිකුත් කරන්නට සූදානම් වන Smartwatch පිළිබඳව තොරතුරු නිකුත් වෙයි
Vivo සමාගම මෙම වසරේ පෙබරවාරි මාසයේදී European Trademark Office (EUIPO) හි “VivoWatch” යන වෙළඳනාමය ලියාපදිංචි කිරීමට කටයුතු කල අතර දැන් චීනයේ Weibo වෙබ්අඩවියෙහි පරිශීලකයෙකු පවසන්නේ Vivo සමාගම නිකුත් කිරීමට යන Smartwatch 2 ක් සඳහා 3CCertification එක ලැබී ඇති බවයි. 3C Certification යනු CCC හෙවත් Ch…

එමෙන්ම OnePlus අනුබද්ධිත අනෙක් සමාගම වන Oppo සමාගම මේ වන විටත් smartwatch නිකුත් කර ඇති අතර එය චීනය සහ ඉන්දියාව තුළ ඉතාම සාර්ථක නිෂ්පාදනයක් බවට පත් වී තිබෙනවා.

Apple Watch එකේ පෙනුමට සමාන Smartwatch එකක් නිකුත් කිරීමට Oppo සමාගම සූදානම් වෙයි
Oppo සමාගම වාර්ෂිකව පවත්වනු ලබන Inno Day [https://events.oppo.com/en/innoday/] එනම් සමාගමේ Innovation සහ Development එළිදක්වන අවස්ථාව පසුගිය දෙසැම්බර් මාසයේදිපැවැත්වුණු අතර එහිදී සමාගම විසින් Smart watch එකක් එළිදක්වන්නට සුදානම් වන බවහෙළිකර තිබෙනවා. Oppo හි උප සභාපතිවරයෙක් විසින් එම Smart watch …

මේ නිසා OnePlus සමාගම ද ඉතාම ඉක්මණින්ම smartwatch වෙළඳපොළට පිවිසෙනු ඇතැයි අනුමාන කළ හැකි අතර OnePlus සමාගම විසින් ඉදිරියේදී නිකුත් කිරීමට බලාපොරොත්තුවෙන් සිටින OnePlus 8T ජංගම දුරකථනය සමඟ මෙම නව නිශ්පාදනය ද නිකුත් කරනු ඇතැයි ඇතැම් මූලාශ්‍ර සඳහන් කර තිබෙනවා.

කෙසේ වුවත් මෙම smartwatch එකේ specs හෝ design එක පිළිබඳව පැහැදිලි විස්තරයක් තවමත් වාර්ථා නොවන අතර, ඉදිරියේදී ‍මේ පිළිබඳව වැඩි විස්තර වාර්ථා වන ආකාරයට ඔබට දැනුවත් කිරීමට අපි සූදානමින් සිටිනවා.

මේ ගැන වැඩිදුර විස්තර දැනගැනීම සඳහා XDA-Developers වෙබ් අඩවිය, Engadget වෙබ් අඩවිය, Forbes වෙබ් අඩවිය සහ Gizmochina වෙබ් අඩවිය භාවිතා කළ හැක.