Facebook සමාජ මාධ්‍ය ජාලය භාවිත කරන්නන් මිලියන 533 කගේ තොරතුරු අන්තර්ජාලයට කාන්දු වීමේ පුවත පසුගිය සතියේ මහත් ආන්දෝලනයක් ඇති කිරීමට සමත් වූ අතර, දැන් දැන් එලෙස තොරතුරු කාන්දු වීම පිළිබඳ තවත් තොරතුරු හෙළිදරව් වෙමින් තිබෙනවා.
Sanka Maduranga
නම, දුරකථන අංකය, ස්ථානය, විවාහ විස්තර, උපන්දිනය සහ Facebook User ID එක ආදී සියලු තොරතුරු ද සමඟ Facebook නිර්මාතෘ මාර්ක් සකර්බර්ග්ගේ තොරතුරු ද මෙලෙස හෙළි වී ඇති අතර එය තරමක් හාස්‍යජනක සහ විස්මයජනක ද වෙනවා.
එපමණක් නොව, Mark Zuckerberg සම්බන්ධයෙන් තවත් ආන්දෝලනාත්මක පුවතක් මේ වන විට නිකුත් වී තිබෙන අතර, එනම් ඔහු සිය සමාගමට අයත් ලොව බිලියනකට අධික පරිශිලක සංඛ්‍යාවක් සහිත WhatsApp messeging සේවාව භාවිතා නොකර, WhatsApp හි තරඟකරුවෙක් වෙන Signal සේවාව භාවිතා කරන බවට තොරතුරු පළ වීමයි.
Dave walker නම් අයෙකු Twitter පණිවිඩයක් මගින් මේ පිළිබඳව පෙන්වා දී තිබෙන අතර ඔහු විසින් Mark Zuckerberg විසින් Signal සේවාව සඳහා භාවිතා කරන දුරකථන අංකය පවා සඳහන් කර තිබෙනවා.
In another turn of events, Mark Zuckerberg also respects his own privacy, by using a chat app that has end-to-end encryption and isn't owned by @facebook
— Dave Walker (@Daviey) April 4, 2021
This is the number associated with his account from the recent facebook leak. https://t.co/AXbXrF4ZxE
WhatsApp සේවාව මෙම වසර මුල සිටම මහත් ආන්දෝලනයක් ඇති කරන්නට සමත් වූයේ එහි Privacy policy එක වෙනස් කිරීම නිසා වෙන අතර, එයට අනුව ඔබට WhatsApp භාවිතා කිරීමට නම් එම Policy එකට එකඟ විය යුතු අතර නැතිනම් WhatsApp වලින් ඉවත් විය යුතු වෙනවා.
Kasun Jayarathna
එය එසේ තිබියදී WhatsApp හිමි සමාගමේ ප්‍රධානියාම, සිය සේවාවක ඇති Privacy policy එකට දක්වන අකමැත්ත මෙමඟින් පිළිබිඹු වෙන බව බොහෝ දෙනා චෝදනා කරන අතර, තම දත්ත ආරක්ෂා කර කරගැනීමටත්, පරිශීලකයන්ගේ දත්ත එකතු කර ගැනීමටත් ඔහු කටයුතු කර ඇති බව මෙමඟින් ගම්‍යමාන වෙනවා.
Ama Samaraweera
මේ නිසා පරිශීලක දත්ත ආරක්ෂා කිරීම සම්බන්ධයෙන් Facebook සමාගම දිනෙන් දින අපකීර්තියට පත් වෙමින් තිබෙන අතර, මෙම පසුබිම මත බොහෝ තාක්ෂණික විශ්ලේෂකයින් විසින් වඩා ආරක්ෂාකාරි පණිවිඩ හුවමාරු සේවාවක අවශ්‍යතාවය මතු කර තිබෙනවා.
මේ පිළිබඳව වැඩිදුර විස්තර දැනගැනීම සඳහා Gizchina වෙබ් අඩවිය සහ BBC වෙබ් අඩවිය භාවිතා කළ හැක.