Apple සමාගම විසින් ඔවුන්ගේ Time Flies event එක පසුගිය සැප්තැම්බර් 15 වැනි දින පැවැත්වීමට සූදානමින් සිටින බව අපි ඔබව දැනුවත් කළා මතක ඇති.
Kasun Jayarathna
බළාපොරොත්තු වූ ආකාරයටම මේ event එක පැවැත්වීමට Apple සමාගම කටයුතු කළ අතර, එම event එක අතරතුරදී අලුත් Apple Watch series 6 එක, Apple Watch SE එක, iOS 14 සංස්කරණය, අලුත් iPad කිහිපයක් වගේම ඔවුන්ගේ subscription සේවා පිළිබඳවත් හඳුන්වාදීම් සිදු කෙරුණා.
Apple Watch Series 6
මේ වන විට සමස්ථ wearables වෙළඳපොලෙන් 30%ක පමණ ප්‍රමාණයක් Apple Watch එක හිමි කරගෙන සිටින අතර මෙහි අලුත්ම මාදිලිය වන Apple Watch Series 6 එක නව පහසුකම් රැසක් සමඟින් එළිදැක්වීමට Apple සමාගම කටයුතු කරනු ලැබුවා.
තත්ත්පර 15කට අඩු කාලයක් තුලදී රුධිරයේ ඇති ඔක්සිජන් ප්‍රමාණය මැනිය හැකි sensor එකක් මෙයට ඇතුලත් වන අතර මේ හරහා ක්ෂණික රෝග හඳුනාගැනීමකට වඩා, ඉදිරියේදී ඇති වීමට හැකියාව ඇති විශාල රෝගයන් පිළිබඳව විස්තර දැනගැනීමට හැකියාව ලැබෙනු ඇති බව ඔවුන් පෙන්වා දෙනවා.
එමෙන්ම මෙහි භාවිතා කර ඇති display එක energy saving always on display තාක්ෂණයකින් සමන්විත වන බවත්, පැරණි මාදිලියට වඩා දෙගුණයකට වැඩියෙන් brightness වැඩි කළ හැකි බවත්, ඒ හරහා එළිමහනෙහි හිරු එළියෙහි සිටින විටදී පවා පහසුවෙන් තම watch එක භාවිතා කිරීමේ හැකියාව ලැබෙන බව වාර්ථා වෙනවා.
මීට අමතරව කඳු නගින්නන් හට තමන් දැනට මුහුදු මට්ටමේ සිට කෙතරම් උසකින් සිටීද යන්න realtime ලෙස දැකගත හැකියාව ද ලබාදී තිබෙන අතර, අලුත් watchfaces කිහිපයක් ද හඳුන්වාදීමට කටයුතු කර තිබෙනවා.
මේ අලුත් Apple Watch එක බළගැන්වෙන්නේ Apple සමාගමේ A13 chipset එක මත පදනම් ව නිර්මාණය කෙරුණු dual-core processor එකකින් සමන්විත Apple S6 chip එක හරහා වන අතර එය පැරණි S5 chipset එකට වඩා 20% පමණ ප්‍රමාණයකින් කාර්ය්‍යක්ෂමතාව වැඩි කර ඇති බව ඔවුන් පෙන්වා දෙනවා.
මීට අමතරව Solo Loop නම් වූ අලුත් band එකක්, Family Setup සේවාව, Fitbit වලට සමානව Fitness+ නම් වූ අලුත් සේවාවක් ඇතුළු තවත් පහසුකම් රාශියක් මෙයට අන්තර්ගත වන අතර, ඒ පිළිබඳව වැඩිදුර විස්තර දැනගැනීම සඳහා නිළ Apple වෙබ් අඩවිය භාවිතා කළ හැක.
මෙය මීළඟ සැප්තැම්බර් 18 වැනි දින සිට මිලදීගැනීමේ හැකියාව ලැබෙනු ඇති බවත්, මිල ඇමෙරිකානු ඩොළර් 399ක් වනු ඇති බවත් Apple සමාගම වැඩිදුරටත් පෙන්වා දෙනවා.
Apple Watch Series SE
මෙවර Apple සමාගම විසින් Apple Watch SE නමින් මිලෙන් අඩු Apple Watch එකක් හඳුන්වාදෙනු ඇති බව අපි ඔබව මීට පෙර දැනුවත් කළා මතක ඇති.
Varuna Prabhath
බළාපොරොත්තු වූ ආකාරයෙන්ම ඇමෙරිකානු ඩොළර් 279ක මිලකට මේ අලුත් Apple Watch SE මාදිලිය හඳුන්වාදීමට Apple සමාගම කටයුතු කළ අතර, මෙය Apple Watch Series 6 එකේ පෙනුමටම සමාන ලෙස නිර්මාණය කිරීමට මොවුන් කටයුතු කර තිබෙනවා.
කොහොම නමුත් S6 chipset එක වෙනුවට මෙහි අන්තර්ගත වන්නේ S5 chipset එක වන අතර Bloog oxygen level එක මැනගැනීමට අදාල වන sensors මෙන්ම ECG පහසුකමත් මෙහි අන්තර්ගත වන්නේ නැහැ.
නමුත් Watch Series 6 එකේ අන්තර්ගත වන altimeter, compass, accelerometer සහ gyroscope යන sensors මෙහි ඇතුලත් වන අතර, මෙය ජංගම දුරකථනයක් නොමැතිව භාවිතා කළ හැකි cellular මාදිලියකින් ද එළිදැක්වීමට Apple සමාගම කටයුතු කර තිබෙනවා.
ඉහත සඳහන් කළ පහසුකම් වලට අමතරව Watch Series 6 එකේ ඇති අනෙකුත් පහසුකම් සියල්ලක්ම පාහේ මෙහි ක්‍රියාත්මක වන අතර, WatchOS 7 සංස්කරණය හරහා මෙම මාදිලි ද්විත්වයම පණගැන්වෙනවා.
මේ Apple Watch SE මාදිලිය ද මීළඟ සැප්තැම්බර් 18 වැනි දින සිට මිලදීගත හැකි වනු ඇති අතර මේ පිළිබඳව වැඩිදුර විස්තර දැනගැනීම සඳහා නිළ Apple වෙබ් අඩවිය භාවිතා කළ හැකි වෙනවා.
