WhatsApp සමාගම විසින් පසුගිය කාලය පුරාවටම ඔවුන්ගේ පරිශීලකයන් වෙත නව විශේෂාංග කිහිපයක්ම හඳුන්වාදීමට කටයුතු කරමින් සිටින බව තොරතුරු වාර්තා විය.

මේ වනවිට WhatsApp සමාගම විසින් WhatsApp Web සඳහාත් voice calls සහ video calls ලබාගැනීමේ පහසුකමක් එක්කිරීමට කටයුතු කරමින් සිටින බව වාර්තා වෙනවා.

මෙම පහසුකම තවමත් beta අවධියේ තිබෙන නමුත්, WABetaInfo වෙබ් අඩවිය විසින් WhatsApp Web/desktop client හි version 2.2043.7 හරහා මෙම විශේෂාංගය පරික්ෂා කිරීමට සමත් වී ඇති අතර ඒ හරහා calls ලබාගැනීමට ඇති හැකියාව කෙබඳුවේදැයි නිරූපණය කිරීම සඳහා screenshots කිහිපයක්ද ඔවුන් විසින් නිකුත් කර තිබෙනවා.

ඇමතුමක් ලැබෙන විටදී දිස්වන popup window එක

Whatsapp පරිශීලකයින් WhatsApp Web භාවිතා කරන අතරතුරදී ඔවුන්ට WhatsApp ඇමතුමක් ලැබෙන විට, ඉහත screenshot එකෙහි දැක්වෙන ආකාරයෙන් popup window එකක් දිස්වනු ඇති අතර එමඟින් පරිශීලකයන් හට එම ඇමතුම accept කිරීමට හෝ decline කිරීමට හැකියාව ලැබෙනවා.

ඇමතුමක් ලබාගන්නා විටදී දිස්වන popup window එක

එමෙන්ම, ඔබ ඇමතුමක් ලබාගන්නා විටදීත් ඉහත screenshot එකෙහි දැක්වෙන ආකාරයෙන් කුඩා window එකක් දිස්වන අතර එහි ඔබගේ mic එක mute කිරීමට සහ hang up කිරීමට controls ද දැකගැනීමටද හැකියාව තිබෙනවා.

කෙසේ වෙතත්, WhatsApp සමාගම විසින් මෙම විශේෂාංගය පිළිබඳව නිළ වශයෙන් ප්‍රකාශයට පත් කර නොමැති බැවින් මෙම update එක පරිශීලකයන් හට ලබාගැනීමට හැකි කාලවකවානුවක් පිළිබඳව සඳහන් කිරීමට හැකියාව නොමැති අතර, මෙම විශේෂාංග දැනටමත් යම් ප්‍රමාණයකට ක්‍රියාත්මක වන බැවින් මෙම පහසුකම ඉක්මනින් ලබාදෙනු ඇතැයි අපේක්ෂා කරන්න පුලුවන්.

මේ ගැන වැඩිදුර විස්තර දැනගැනීම සඳහා WABetaInfo වෙබ් අඩවිය සහ XDA-Developers වෙබ් අඩවිය භාවිතා කළ හැක.