Google සමාගම විසින් අඩු performance එකක් ඇති devices සඳහා හඳුන්වාදෙන Android Go මෙහෙයුම් පද්ධතිය මෙන්ම ඒ සඳහා නිර්මාණය කෙරුණු Google Go, YouTube Go, Maps Go, Files Go, Gallery Go ඇතුළු Go series එකේ lite apps පිළිබඳව මීට පෙර අපි ඔබව කිහිප වතාවක් දැනුවත් කර තිබෙනවා මතක ඇති.

Update: 13/10/2020 04:04 AM
Android Go devices හැර අනෙකුත් devices සඳහා මේ app එක ලබාදීම අතපසුවීමකින් සිදුවී ඇති බව දැකගත හැකි වන අතර, මේ වන විට නැවතත් මෙම app එක Android Go devices සඳහා පමණක් ලබාගත හැකි වන ලෙස සකස් කර ඇති බව වාර්තා වෙනවා.

ඔන්න දැන් මේ අතරට Google සමාග‍මේ ප්‍රධානතම app එකක් වන Gmail app එකද එකතු වී ඇති අතර, මෙය Android Go devices වලට පමණක් සීමා නොකර සියළුම Android පරිශීලකයින් හට භාවිතා කිරීමේ හැකියාව ලබාදීමට Google සමාගම කටයුතු කර තිබෙනවා.

9to5Google වෙබ් අඩවිය පෙන්වා දෙන පරිදි මේ Gmail Go app එක සාමාන්‍යය Gmail app එකට බොහෝ සෙයින් පෙනුමින් සමාන වන අතර Google සමාගම ද මෙය ඉදිරිපත් කරන්නේ “Gmail you love, now lighter and just fast” යනුවෙනුයි.

කොහොම නමුත් මෙම app එකෙහි UI elements සාමාන්‍යය app එකට වඩා flat ගතියක් පෙනෙන්නට ඇති අතර, shadows සහ layers බොහෝමයක් ඉවත් කර ඇති ආකාරයක් දැකගත හැකි වෙනවා.

Gmail Go - Apps on Google Play
The Gmail you love, now lighter and just as fast. Enjoy a smart inbox that keeps your messages safe and you organized. Receive notifications when mail arrives, then read and respond both online & offline. Plus, find messages quickly with powerful search and lots more.With Gmail Go, you’ll enjoy:• …

විශේෂයෙන්ම මෙම app එක ඉලක්ක කර ඇති devices වලට ගැලපෙන අයුරින් නිර්මාණය කිරීමේදී ඒවා ඉවත් කිරීමට සිදු වී ඇති නමුත්, මෙහි ප්‍රධානතම focus එක වන, අඩු resources ප්‍රමාණයක් භාවිතා කරමින් Email පහසුකම ලබාදීම නියමිත ආකාරයෙන් ඉටු වන බව දැකගත හැකි වෙනවා.

මේ ගැන වැඩිදුර විස්තර දැනගැනීම සඳහා XDA-Developers වෙබ් අඩවිය සහ 9to5Google වෙබ් අඩවිය භාවිතා කළ හැක.