Android මෙහෙයුම් පද්ධතියේ නිර්මාතෘවරයා වූ Andy Rubin විසින් ඔහුගේම ජංගම දුරකථන සමාගමක් ආරම්භ කළ බවත්, Essential PH-1 යනුවෙන් ජංගම දුරකථනයක් මීට වසර කිහිපයකට පෙර නිකුත් කිරීමට කටයුතු කළ බවත් ඔබ දැනටමත් දන්නවා ඇති.
මේ ජංගම දුරකථනය නිකුත් කළ වසරේ සිට මේ දක්වා ම Google Pixel ජංගම දුරකථන වලට Android මෙහෙයුම් පද්ධතියේ අලුත්ම සංස්කරණය නිකුත් කරන අවස්ථාවේදීම මේ Essential PH-1 ජංගම දුරකථනයටත් අදාල updates ලබා දෙන්නට ඔවුන් කටයුතු කිරීම මෙන්ම ලොව පුරා ජනප්‍රිය වූ Notch එකක් සහිත ප්‍රථම ජංගම දුරකථනය මෙය වීම නිසාවෙන් මේ පිළිබඳව බොහෝ දෙනෙකුගේ අවධානයට මෙය යොමු වුණා.
2018 වර්ෂයේ අග වන විට මේ Essential Phone එක අලුතින් නිෂ්පාදනය කිරීම සහ අලෙවි කිරීමේ කටයුතු නතර කිරීමට කටයුතු කරනු ලැබූ බව අපි ඔබව දැනුවත් කළා මතක ඇති.
සචින් කවිඳු
කොහොම නමුත් මේ වන විට ඔවුන්ගේ නිළ වෙබ් අඩවිය හරහා නිවේදනයක් නිකුත් කරමින් මේ Essential ආයතනය වසාදැමීමට තීරණය කළ බව ප්‍රකාශයට පත් කර ඇති අතර පසුගිය පෙබරවාරි 3 වැනි දින ලබාදුන් update එක Essential PH-1 ජංගම දුරකථනය ලැබුණු අවසාන software update එක බවත් ප්‍රකාශ කර සිටිනවා.
EssentialFebruary 12, 2020
මීට අමතරව මෙම සමාගම විසින් ලබාදුන් තවත් සේවාවක් වන Newton Mail සේවාව ද මේ අනුව නතර කිරීමට කටයුතු කරනු ලබන අතර දැනට මේ සේවාව භාවිතා කරන්නන් හට මෙම වසරේ අප්‍රේල් මස 30 වැනි දින දක්වා සේවාව භාවිතා කිරීමේ හැකියාව ලැබෙනවා.
කොහොම නමුත් මේ Essential සමාගම වසා දැමීමෙන් පසුව තමන්ගේ පරිශීලකයන් අඳුරේ නොතබා, ලොව පුරා සිටින developer වරුන් හට එම ජංගම දුරකථනය වෙනුවෙන් ඕනෑම ආකාරයක වෙනස්කමක් සිදු කිරීමට සඳහා අවශ්‍යය වන සියළුම source code ඔවුන්ගේ නිළ GitHub ගිණුම හරහා open-source කිරීමට මේ Essential සමාගම තීරණය කර තිබෙනවා.
මේ අනුව නිළ වශයෙන් software update ලබාදීම නතර වුවත්, වෙනත් developer වරුන් විසින් මේ ජංගම දුරකථනයට ඉදිරියේදී custom ROM ඇතුළු තවත් apss සහ සේවාවන් නිර්මාණය කරනු ඇති බව බළාපොරොත්තු විය හැකි වෙනවා.
මේ ගැන වැඩිදුර විස්තර දැනගැනීම සඳහා නිළ Essential වෙබ් අඩවිය, TechCrunch වෙබ් අඩවිය හා GSM Arena වෙබ් අඩවිය භාවිතා කළ හැක.