පසුගිය ජනවාරි මාසයේදී ඇමෙරිකානු ආරක්ෂක අංශ වල උපදෙස් අනුව Xiaomi සමාගම ඇතුළු සමාගම් 9ක් චීන යුධ සමාගම් ලෙස සළකා blacklist කිරීමට කටයුතු කරනු ලැබූ බව ඔබට මතක ඇති.

Xiaomi සමාගම ඇතුළු සමාගම් 9ක් චීන යුධ සමාගම් ලෙස සළකා blacklist කිරීමට ඇමෙරිකානු ආරක්ෂක අංශය කටයුතු කරයි
Huawei සමාගම, DJI සමාගම, SMIC සමාගම[/smic-chinas-largest-chipmaker-added-to-blacklist-by-u-s-government/] සහ තවත්චීන සමාගම් ගණනාවක් මේ වන විටත් ඇමෙරිකානු වෙළඳ තහනමකට ලක්ව ඇති බව TechNews.LKපාඨක ඔබට අමුතුවෙන් කිවයුතු නැහැ. මේ අතර ලොව විශාලතම smartphone නිෂ්පාදකයින්ගෙ 3 වැනි ස්ථානයේ සිටින Xiaomi ස…

හිටපු ඇමරිකානු ජනපති Donald Trumph පරිපාලනය විසින් Xiaomi සමාගම සඳහා ඇමරිකානු ආයෝජන සිදු කිරීම සීමා කරමින් military blacklist එකට, එහෙමත් නැතිනම් අසාදු ලේඛනයට ඇතුලත් කළ නමුත් මේ වන විට Xiaomi ccorporation එක එයින් ඉවත් කිරීමට එක්සත් ජනපද රජය එකඟතාවකට පැමිණ තිබෙනවා.

හිටපු ජනාධිපති යටතේ එක්සත් ජනපද ආරක්ෂක දෙපාර්තමේන්තුව විසින් Xiaomi සමාගම කොමියුනිස්ට් චීන මිලිටරි සමාගමක් ලෙස නම් කරමින් වාරණ නියෝගයක් නිකුත් කිරීමෙන් පසු චීන තාක්ෂණික දැවැන්තයා මේ වසර මුලදී රජයට එරෙහිව නඩු පැවරූ අතර, මෙම නව තීන්දුව ප්‍රකාශයට පත් වන්නේ එහි ප්‍රතිඵලයක් ලෙසයි.

සිය සමාගමට එරෙහිව ගෙන ආ වාරණ නියෝගය සම්බන්ධයෙන් එක්සත් ජනපද රජයට එරෙහිව නඩු පැවරීමට Xiaomi සමාගම කටයුතු කරයි
ඇමරිකානු රජය විසින් Xiaomi සමාගම ද ඇතුළුව තවත් සමාගම් 8 ක් චීන යුද සමාගම් ලෙසසලකා අසාදුගතලේඛන (blacklist) කිරීමේ පුවත මීට සති කිහිපයකට පෙර තාක්ෂණික ලෝකයකැලඹීමට ලක්කළ පුවතක් වූ අතර, TechNews.LK හි අපත් ඒ පිළිබඳව තොරතුරු ඔබ වෙත ගෙනආවා මතක ඇති. Xiaomi සමාගම ඇතුළු සමාගම් 9ක් චීන යුධ සමාගම් ලෙස සළකා …

මෙම නඩු විභාගය වැඩිදුර ගෙන නොගොස් සාකච්ඡා මාර්ගයෙන් විසඳා ගැනීමට අදාළ පාර්ශවයන් එකඟ වී ඇති අතර මීට සම්බන්ධ ඒකාබද්ධ යෝජනාවක් මැයි 20 දිනට පෙර නිකුත් කිරීමට නියමිතයි.

Xiaomi සමාගම මෙලෙස මෙම චෝදනා වලින් නිදහස් වුවද චීන හමුදාවට සම්බන්ධ සමාගම් වල ඇමරිකානු ආයෝජන පිළිබඳව එක්සත් ජනපද රජය ඉතා සැළකිල්ලෙන් පසු වන බව ධවල මන්දිරය විසින් යළි යළිත් සිහිපත් කරමින් සිටින අතර, නව ඇමරිකානු ජනපති Joe Biden විසින් පවා එවැනි චීන සමාගම්වලින් එක්සත් ජනපදයේ සිදු කළහැකි ආයෝජන පිළිබඳව දැඩි ලෙස සැලකිලිමත් වන බව හා එවැනි සමාගම් මත පීඩනය පවත්වා ගැනීමට පූර්ණ වශයෙන් කැපවී සිටින බවට සඳහන් කර තිබෙනවා.

මේ පිළිබඳව වැඩිදුර විස්තර දැනගැනීම සඳහා Bloomberg වෙබ් අඩවිය සහ GSM Arena වෙබ් අඩවිය භාවිතා කළ හැක.