COVID-19 වසංගතය නිසා බොහෝ දෙනා නිවෙස්වල කාලය ගත කරනු ලබන නිසාවෙන් Tiktok වැනි යෙදුම්වලට බොහෝදෙනා යොමුවීමට වැඩි නැඹුරුවක් දක්වන බව අපිට දැකගන්න පුලුවන්.
ඒ වගේම TikTok app එක සමඟින් තරඟ කරන්නට YouTube ආයතනය විසින් ඔවුන්ගේම app එකක් හඳුන්වාදීමට කටයුතු කළ බවත් අපි ඔබව මීට පෙර දැනුවත් කළා මතක ඇති.
Varuna Prabhath
කොහොම වුණත් ප්‍රසිද්ධ Analytics platform එකක් වන Sensor Tower ආයතනය ප්‍රකාශ කර සිටින්නේ TikTok app එකේ global downloads ප්‍රමාණය මේ වනවිට බිලියන 2 ඉක්මවා ගොස් ඇති බවයි.
2020 වර්ෂයේ මේ කාර්තුවේදී චීනයේ ජනප්‍රිය third-party app stores ගණන් නොගෙන, App Store සහ Google Play හරහා පමණක් මිලියන 315ක downloads සිදු කර ඇති බව ඔවුන් පෙන්වාදෙනු ලබනවා.
Sensor Tower ආයතනය පවසන්නේ ඉන්දියාව, චීනය සහ එක්සත් ජනපදය වැඩිපුරම බාගත කිරීම් සිදුකරන රටවල් බව වන නමුත් මේ Downloads ප්‍රමාණය හරහා සෑමවිටම active users ප්‍රමාණය තීරණය කළ නොහැකි බව මතක තබාගත යුතු වෙනවා.
කෙසේ නමුත් බොහෝ දෙනා නිවෙස් තුළ ගත්කරන බැවින් TikTok පමණක් නොව වෙනත් සමාජ ජාල පරිශීලකයන් ප්‍රමාණයද වර්ධනයක් පෙන්නුම් කරයි අතර Snapchat ආයතනය විසින්ද තමන්ගේ daily user base එක මෙම කාර්තුවේදී මිලියන 11ක් දක්වා වර්ධනය කරගැනීමට සමත් වී ඇති බව වාර්ථා වෙනවා.
මේ ගැන වැඩිදුර විස්තර දැනගැනීම සඳහා The Verge වෙබ් අඩවිය, සහ Sensor Tower නිළ blog අඩවිය භාවිතා කළ හැක.