මේ දින වල COVID-19 වසංගතය හේතුවෙන් බොහොමයක් දෙනා අන්තර්ජාලය සම්බන්ධ කරගෙන ඔවුන්ගේ එදිනෙදා වැඩකටයුතු කර ගැනීමට පුරුදු වී සිටින අතර නිවෙස්වලම රැදී සිටිමින් තම රාජකාරි කටයුතුවල නිරතවෙනවා.
තම ආයතනයේ දිනපතා හෝ සතිපතා පැවැත්වෙන meetings සඳහා සහභාගිවීම සඳහා බොහෝ ආයතන මේ වන විට Microsoft Teams, Zoom, Facebook Messenger Room වැනි සේවාවන් භාවිතා කිරීමට පෙළඹි ඇති අතර virtual meeting පැවැත්විමට හැකි ඉතාමත් හොඳ video conferencing platform එකක් විදියට Google සමාගම මගින් ඉදිරිපත් කරන Google Meet Platform එකද පෙන්වා දෙන්න පුළුවන්.
මේ දින වල වැඩි වශයෙන් අධ්‍යාපන ආයතන සහ ව්‍යාපාර ක්ෂේත්‍ර වල පවා Google meet සේවාව බොහෝ දෙනා භාවිතා කරනවා දැකගැනීමට හැකියාව ලැබෙනවා.
මෙම සේවාව Google Hangouts සේවාවෙහි කොටසක් වූ අතර Google meet සේවාව ඕනෑම කෙනෙකුට නොමිලේ ලබාදීමට Google සමාගම කටයුතු කරන බව අප මිට පෙර ඔබව දැනුවත් කළා මතක ඇති.
Sanka Maduranga
Google Meet වැඩ කරන්නේ කොහොමද ?
Video conferences
Google Meet Platform එකේ ප්‍රධාන අංගයක් වන මෙය මඟින් පුද්ගලයන් අතර video chat එහෙමත් නැත්නම් video conferences පැවැත්වීමට ඉඩකඩ Google සමාගම විසින් සලසා දී ඇති අතර මෙය ඉතා පහසු ආකාරයට සිදුකිරීමට හැකියාව පවතිනවා.
ඔබ meeting එකක් ආරම්භ කර එහි share link එක යැවිම මඟින් අනිත් පුද්ගලයන්ට පහසුවෙන්ම අදාල video conferences එක සදහා join විමට හැකියාව පවතින අතර Google Meet දැන් ඔබේ G-mail Inbox එක හරහා ම ලබාදීමට Google සමාගම මේ වනවිට කටයුතු කර තිබෙනවා.
Presentations
විශේෂයෙන්ම presentation වලදී ඔබට team projects පහසුවෙන් share කර ගත හැකි අතර sharing option එක Zoom හි තරම් dynamic ආකරයට නොමැති නමුත් මෙහි තනි chrome tab එකක් share කිරීමට හැකියාව පැවතීම ප්‍රයෝජනවත් අංගයක් වෙනවා.
G Suite integration
G-Suite යනු Google ආයතනය විසින් Company සහ පාසල් වැනි ආයතනවල වැඩ කටයුතු online ආකාරයට පහසුවෙන් කර ගැනීම සඳහා හඳුන්වා දෙනු ලැබූ cloud based සේවාවක් වන අතර ඔබට domain name සහ Gmail, calendar, drive සහ meet වැනි වෙනත් G suite සේවාවන් වෙත ප්‍රවේශ වීමට මෙමඟින් හැකියාව ලැබෙනවා.
Background Noise cancellation පහසුකම
Google Meet සේවාවට Noice Cancellation පහසුකම G-Suite පරීශීලකයින් හට සහ සාමන්‍ය ගිණුම් ඇති පරීශිලකයින් හට හඳුන්වාදීමට Google සමාගම විසින් මෑතකදී කටයුතු කර අතර මේ පිළිබඳව මිට පෙර අපි ඔබට ඉදිරිපත් කළා ඔබට මතක ඇති.
Varuna Prabhath
Google meet සදහා කොපමණ මුදලක් ගෙවිය යුතුද ?
Google meet යනු G-Suite package එකෙහි එක් අංගයක් වන අතර මෙහි මිල ගණන් පිළිබඳව වැඩිදුර විස්තර ඔබට මෙයින් ලබාගත හැකිය.
සාමාන්‍යයෙන් මසකට එක් පරිශීලකයෙකුට ඇමරිකානු ඩොලර් 6 කට ආසන්න මුදලකින් මෙහි පැකේජ ආරම්භ වන නමුත් මෙය 2020 මැයි මස සිට 2021 මාර්තු 31 දක්වා කාලය තුළ Google account එකක් ඇති ඕනෑම අයෙකුට free භාවිතා කිරීමට හැකියාව පවතිනවා.
Goole Meet ගැන තවත් විස්තර හෝ මේ වගේ වෙනත් සේවාවන් ගැන තවත් විස්තර ඔයත් දන්නවා ඇති. ඉතින් ඔයා දන්න කරුණු තියනවා නම් හෝ මේ ගැන ප්‍රශ්න තියනවා නම් ඒ ගැන අපේ Community එකට ඇවිත් කියන්නත් අමතක කරන්න එපා.
මේ පිළිබඳ තවත් කරුණු pocket-lint වෙබ් අඩවියෙන් ද ලබාගත හැක.