පසුගියදා PUBG Mobile ඇතුළු apps 118ක් ඉන්දියාව තුළ තහනම් කිරීමට ඉන්දියානු රජය විසින් පියවර ගත් බවට මින් පෙර ලිපියක් මගින් ඔබව දැනුවත් කළා මතක ඇති.
Kasun Jayarathna
මෙම තහනම හේතුවෙන් app එකෙහි මුල් හිමිකරු මෙන්ම දකුණු කොරියානු සමාගමක් වන Blue Hole Studio ආයතනය විසින් ඉන්දියාව තුළ PUBG Mobile ක්‍රීඩාව බෙදා හැරීම සඳහා Tencent ආයතනය වෙත ලබා දී තිබූ බලපත්‍රය අවලංගු කිරීමටද කටයුතු කරනු ලැබුවා.
සචින් කවිඳු
මේ වන විට Blue Hole Studio ආයතනය විසින් ඉන්දියානු telecom සමාගමක් වන Reliance Jio සමාගමත් සමඟ නැවත වරක් ඉන්දියාව තුළ PUBG Mobile ක්‍රීඩාව ආරම්භ කිරීමට සාකච්ඡා කරමින් සිටින බව වාර්තා වෙනවා.
Themrphone වෙබ් අඩවිය සඳහන් කරන ආකාරයට, PUBG Mobile තහනමෙන් පසුව මෙම සාකච්ඡා ආරම්භ වූ අතර එය තවමත් මුල් අවධියේ පවතින බව ද වාර්තා වෙනවා.
මීට අමතරව, තවමත් දෙපාර්ශවයම ගනුදෙනුවේ විවිධ අංශ අධ්‍යයනය කරමින් සිටින බව ද එම වාර්තාවේ වැඩිදුරටත් සඳහන් වෙනවා.
මෙම සාකච්ඡාව පිළිබඳව තවමත් නිළ ප්‍රකාශයක් ලබා දී නොමැති නමුත් Blue Hole Studio ආයතනය විසින් blog සටහනක් නිකුත් කරමින් සඳහන් කර ඇත්තේ PUBG Mobile app එක ඉන්දියාව තුළ unban කර ගැනීමට ඔවුන් කටයුතු කරන බවයි.
Tencent සමාගමත් සමඟ ඇති සම්බන්ධතාවයේ ප්‍රතිඵලයක් ලෙස මෙම app එක ඉන්දියාවේ තහනම් කර ඇති බැවින්, දේශීය බෙදාහරින්නෙකු සමඟ එකඟතාවයකට පැමිණීම මගින් බොහෝ විට මෙම තහනම ඉවත් කිරීමට හැකියාවක් තිබෙනවා.
මේ ගැන වැඩිදුර විස්තර දැනගැනීම සඳහා GizmoChina වෙබ් අඩවිය සහ TheMrPhone වෙබ් අඩවිය භාවිතා කළ හැක.