OnePlus 7 සහ 7 Pro ජංගම දුරකථන වලට Android 10 මෙහෙයුම් පද්ධතිය ලබාදීමට OnePlus ආයතනය සූදානම් වන බව මීට පෙර අපි ඔබව දැනුවත් කළා මතක ඇති.

OnePlus 7 සහ 7 Pro සඳහා Android 10 මත පදනම් වුණු OxygenOS 10 සංස්කරණය නිකුත් කිරීමට කටයුතු කරයි
පසුගිය සැප්තැම්බර් 03 වැනි දින Google සමාගම විසින් Android මෙහෙයුම් පද්ධතියේ අලුත්ම සංස්කරණය වන Android 10 සංස්කරණය නිළ වශයෙන් නිකුත් කිරීමට කටයුතු කළ අතර එය Pixel ජංගම දුරකථන වලට ලබාදීමට ද කටයුතු කළා. Android 10 සංස්කරණය නිළ වශයෙන් Google Pixel, Essential සහ Xiaomi ජංගම දුරකථන වලට නිකුත් කරයිAndro…

ඔන්න දැන්, Android 10 මත පදනම් වූ අලුත්ම OxygenOS එකේ beta සංස්කරණයක් OnePlus 6 සහ OnePlus 6T යන ජංගම දුරකථන සඳහා නිකුත් කිරීමට OnePlus ආයතනය කටයුතු කර තිබෙනවා.

OxygenOS Android 10 Open Beta 1 for the OnePlus 6 and OnePlus 6T
[ATTACH] Hey everyone, We are very excited to announce that we are ready to roll out the very first Open Beta build based on Android 10 for the OnePlus...

මේ Android 10 beta update එක 1.7GB පමණ වන අතර මෙය flash කරනු ලබන අතරතුර අවම වශයෙන් battery ධාරිතාව 30% පමණ තිබිය යුතු වන බව ද, 3GB පමණ free storage space එකක් ද අදාල ජංගම දුරකථනයේ තිබිය යුතු වන බව ද OnePlus සමාගම නිවේදනය කර තිබෙනවා.

ඔවුන්ගේ නිළ OnePlus forum එක හරහා මෙය download කරගැනීමේ හැකියාව ලබාදී ඇති අතර මීළඟ නොවැම්බර් මාසය වන විට මෙහි stable සංස්කරණයක් නිකුත් කිරීමට ද මොවුන් බළාපොරොත්තුවෙන් සිටින බව වාර්ථා වෙනවා.

OnePlus සමාගම මීට පෙර නිවේදනය කළ පරිදි OnePlus 7, 7 Pro, 6, 6T, 5 සහ 5T යන ජංගම දුරකථන වලට මේ update එක ලැබෙන අතර 2020 වර්ෂය වන විට මේ සියළු ජංගම දුරකථන මාදිලි වලට නිළ වශයෙන් Android 10 සංස්කරණය ලබාදීමට කටයුතු කෙරෙනු ලැබෙනවා.

මේ ගැන වැඩිදුර විස්තර දැනගැනීම සඳහා නිළ OnePlus forum එක, XDA-Developers වෙබ් අඩවිය හා 9to5google වෙබ් අඩවිය භාවිතා කළ හැක.