පසුගිය සැප්තැම්බර් 03 වැනි දින Google සමාගම විසින් Android මෙහෙයුම් පද්ධතියේ අලුත්ම සංස්කරණය වන Android 10 සංස්කරණය නිළ වශයෙන් නිකුත් කිරීමට කටයුතු කළ අතර එය Pixel ජංගම දුරකථන වලට ලබාදීමට ද කටයුතු කළා.
![](https://technews.lk/content/images/2019/09/android-10-officially-released-for-google-pixel-essential-and-xiaomi-phones-tech-news-sri-lanka.jpg)
එමෙන්ම Essential Phone එක සඳහා මෙන්ම Xiaomi ආයතනය විසින් ඔවුන්ගේ Redmi K20 Pro ජංගම දුරකථනයට එදිනම මෙම සංස්කරණය ලබාදීමට කටයුතු කරනු ලැබුවා.
ඔන්න දැන් OnePlus ආයතනය විසින් ඔවුන්ගේ OnePlus 7 සහ OnePlus 7 Pro ජංගම දුරකථන සඳහා OxygenOS 10 සංස්කරණයෙහි stable release එකක් නිකුත් කිරීමට කටයුතු කර තිබෙන බව වාර්ථා වෙනවා.
![](https://technews.lk/content/images/2019/09/android-10-features-on-oxygen-os-10-tech-news-sri-lanka.jpg)
මෙම update එක OTA update වැඩසටහන හරහා ලැබෙනු ඇති අතර OnePlus 7 සහ 7 Pro ජංගම දුරකථන පරිශීලකයන් හට තම ජංගම දුරකථන හරහාම මෙම update එක සිදු කරගැනීමේ හැකියාව පවතිනවා.
![](https://technews.lk/content/images/2019/09/OxygenOS-10-features-tech-news-sri-lanka.jpg)
කොහොම වුණත් තවමත් සියළුම පරිශීලකයන් හට මෙය ලබාදීමට කටයුතු කර නොමැති අතර ඉදිරි දින කිහිපය තුලදී ක්රමයෙන් සියළුමදෙනා හට මේ update එක ලැබෙනු ඇති බව ඔවුන් පෙන්වා දෙනවා.
![](https://forums-images.oneplus.net/attachments/1119/1119244-11c62725238f200eff01f0fe9bf47a67.jpg)
සැප්තැම්බර් 26 වැනි දින London වල පැවැත්වීමට නියමිත OnePlus event එක අතරතුරදී අනෙකුත් OnePlus ජංගම දුරකථන වලට Android 10 update එක ලැබෙන දිනයන් පිළිබඳව දැනුවත් කිරීමට කටයුතු කරනු ලබන බව ද ඔවුන් වැඩිදුරටත් පෙන්වා දෙනවා.
![](https://technews.lk/content/images/2019/09/oneplus-7t-to-be-revealed-on-september-26th-tech-news-sri-lanka.jpg)
මේ අනුව මෙම OnePlus 7 සහ 7 Pro ජංගම දුරකථන වලට අමතරව OnePlus 5/5T, OnePlus 6/6T යන ජංගම දුරකථන වලටද මෙම update එක ලබාදෙනු ඇති බවට විශ්වාස කෙරෙනවා.
මේ ගැන වැඩිදුර විස්තර දැනගැනීම සඳහා නිළ OnePlus Community එක හා XDA-Developers වෙබ් අඩවිය භාවිතා කළ හැක.