පසුගිය COVID-19 වසංගත තත්ත්වය හමුවේ ලොව පුරා ව්‍යාජ පුවත් පැතිරී යන ආකාරය අප දුටු අතර, මේ වන විට ඇමෙරිකාවේ ජන‍ාධිපතිවරණයට ද මාස කිහිපයක් පමණක් ඇති නිසා, ව්‍යාජ පුවත් පැතිරවීම හරහා අවස්ථාවෙන් වාසි ලබාගැනීමට ඇතැම් පුද්ගලයින් කටයුතු කරනු ලබනවා.

සමාජ ජාල යනු ජන මතය වෙනස් කිරීමට ඉතාමත් ප්‍රභල මාධ්‍යයක් වන බව ශ්‍රී ලංකාවේ පසුගිය ජනාධිපතිවරණ ද්විත්වය තුලදීම පැහැදිලිව දැකගැනීමට හැකිවූ අතර, ව්‍යාජ පුවත් පැතිරවීම හරහා මෙලෙස ජන මතය වෙනතකට යොමු කිරීමට හැකියාව ලැබෙනවා.

මේ වෙනුවෙන් පසුගිය කාළය තුලදී බොහෝ සාමාජ මාධ්‍යය වලට විවිධ වාරණ යෙදීමට කටයුතු කළ අතර WhatsApp සේවාවට ද මෙලෙස සීමාවක් එකතු කිරීමට කටයුතු කළ බව අපි ඔබව දැනුවත් කළා මතක ඇති.

WhatsApp හරහා Message එකක් Forward කළ හැකි උපරිම වාර ගණන 5කට සීමා කිරීමට කටයුතු කරයි
WhatsApp කියන්නේ මේ වන විට එකිනෙකා අතර තොරතුරු හුවමාරු කරගන්න භාවිතා කරන මාධ්‍යයවලින් ප්‍රමුඛතම මාධ්‍යයක් බව අමුතුවෙන් කියන්න ඕන නැහැ. මේ හරහා අපිට ප්‍රයෝජනවත් තොරතුරු වගේම fake news, කටකතා, ජාතිවාදී මතවාද වගේ දේවල්වුණත් පැතිරෙන එක වලක්වන්න මේ වෙනතුරු කිසිම සාර්ථක ක්‍රමයක් ඉදිරිපත් කිරීමටWhatsAp…

මේ වන විට Facebook සමාගම විසින් ඔවුන්ගේ අනෙක් messaging platform එක වන Messenger වෙතට ද මෙලෙස forward කළ හැකි සීමාවක් හඳුන්වාදීමට කටයුතු කර ඇති අතර, මේ අනුව වරකට පුද්ගලයින් හෝ groups 5කට පමණක් forward කළ හැකි ලෙස මෙම සීමාව පැනවෙනු ඇති බව ඔවුන් පෙන්වා දෙනවා.

Facebook ආයතනය විසින් පවසන පරිදි ව්‍යාජ පුවත් පැතිරවීමට උත්සාහ කරන අය හෝ නොදැනුවත්වම නිවැරදි තොරතුරු ප්‍රචාරණය වලක්වාලීමට උත්සාහ කරන අයගේ උත්සාහයන් මැඩ පැවැත්වීම සඳහා Facebook Messenger වෙත forwarding limit එකක් හඳුන්වාදෙන බවයි.

මේ හරහා දැනුවත්ව හෝ නොදැනුවත්ව ව්‍යාජ පුවත් පැතිරවීමට උත්සාහ කරන්නන්ගේ උත්සාහයන් නිශ්පල වනු ඇති බව Facebook සමාගම පෙන්වා දෙන අතර WhatsApp වලට මෙලෙස සීමාවක් එකතු කිරීම හරහා viral messages පැතිර යාම 70%කින් පමණ අඩු වූ බව අපට දැකගත හැකි වුණා.

WhatsApp වල forward කිරීමේ හැකියාව සීමා කිරීමත් සමඟින් viral messages හුවමාරු වීම 70% කින් පමණ අඩු වෙයි
Corona වයිරසය පිළිබඳව වැරදි තොරතුරු ප්‍රචාරය වීමට විසදුමක් ලෙස WhatsApp ආයතනයවිසින් අප්‍රේල් මස මුලදී මෙම message forwarding පහසුකමට limit එකක් හදුන්වා දීමටකටයුතු කරනු ලැබුවා. මීට පෙර WhatsApp වලදී පස්දෙනෙකු දක්වා messages forward කිරිමට හැකියාව තිබුණු අතරමේ අලුත් limit එකත් සමඟින්, දැන් forward…

මීට අමතරව අවශ්‍යය නම් දේශපාලනික දැන්වීම්, එහෙමත් නැතිනම් political advertisements පෙන්වීම අවහිර කර දැමීමට හැකියාව ලබාදෙන පහසුකමක් ද privacy controls අතරට එකතු කිරීමට Facebook සමාගම ටික දිනකට පෙර  කටයුතු කරනු ලැබුවා.

මේ ගැන වැඩිදුර විස්තර දැනගැනීම සඳහා නිළ Messenger Newsroom එක, XDA-Developers වෙබ් අඩවිය සහ Dev Discourse වෙබ් අඩවිය භාවිතා කළ හැක.