පසුගිය වසරක පමණ කාළසීමාව ඇතුලත, විශේෂයෙන්ම COVID-19 වසංගත තත්ත්වය හමුවේ Zoom ආයතනය ලොව පුරා ඉතාමත් ප්‍රසිද්ධියට පත්වූ අතර එම ප්‍රසිද්ධිය නිසාම විවිධ ආකාරයේ ගැටළු වලට මුහුණදීමට ද ඔවුන් හට සිදු වුණා මතක ඇති.
Kasun Jayarathna
එමෙන්ම Zoom සේවාවට අභියෝග කරන්නට Google සමාගම ඇතුළු අනෙකුත් තාක්ෂණික සමාගම් තමන්ගේම video conferecing සේවාවන් හඳුන්වාදීමට කටයුතු කරනු ලැබුවත් තමන්ගේ දුර්වලතා මඟහරවාගනිමින් ඉදිරියට ඒමට ඔවුන් සමත් වූ බව දකින්නට ලැබුණා.
Sanka Maduranga
කොහොම නමුත් මේ වන විට වාර්තා වන ආකාරයට Zoom ආයතනයේ ආදායම මෙම වසරේ තුන් වැනි කාර්තුවේදී පසුගිය වසරේ එම කාර්තුවට සාපේක්ෂව සිව් ගුණයකින් (4x) ඉහළ ගොස් ඇති බව වාර්තා වෙනවා.
Zoom ආයතනයේ ආදායම සිව් ගුණයකින් වැඩි වූ ප්‍රථම අවස්තාව මෙය පමණක් නොවන අතර, මෙම වසරේ දෙවැනි කාර්තුවේදීද මේ ආකාරයෙන්ම ඔවුන්ගේ ආදායම සිව් ගුණයකින් ඉහළ ගොස් තිබුණා.
එමෙන්ම මීළඟ කාර්තුවේදීද ඔවුන්ගේ ආදායම නැවතත් සිව් ගුණයකින් ඉහළ යනු ඇති බව Zoom ආයතනය අපේක්ෂා කරනු ලබන බව ද The Verge වෙබ් අඩවිය පෙන්වා දෙනවා.
මේ පිළිබඳව වැඩිදුර විස්තර දැනගැනීම සඳහා The Verge වෙබ් අඩවිය සහ BBC වෙබ් අඩවිය භාවිතා කළ හැක.