Huawei සමාගම ඔවුන්ගේ ජංගම දුරකථන නිෂ්පාදනයට අවශ්‍යය chips ලබාගැනීමේ අපහසුතාවයකට මුහුණදී ඇති බව මීට පෙර අවස්තා ගණනාවකදීම අපි ඔබව දැනුවත් කළා මතක ඇති.
Sanka Maduranga
කොහොම නමුත් මේ වන විට Huawei සමාගමට අවශ්‍යය 4G chips සහ තවත් නිෂ්පාදන කිහිපයක් ලබාදීම සඳහා Qualcomm සමාගමට අවසර ලබාදීමට ඇමෙරිකානු වාණිජ දෙපාර්තමේන්තුව කටයුතු කර ඇති බව Reuters වෙබ් අඩවිය වාර්තා කරනවා.
මෙහිදී 4G chips වලට අමතරව සැපයීමට හැකියාව ඇති අනෙකුත් දෑ මොනවාද යන්න පිළිබඳව තවමත් Qualcomm සමාගම හෝ Huawei සමාගම විසින් නිවේදනය කර නොමැති අතර, බොහෝ විට අලුත් ජංගම දුරකථන වල ඇතුලත් කරනු ලබන 5G chips ද මෙම ලැයිස්තුවට ඇතුලත් වනු ඇති බව අනුමාන කෙරෙනවා.
එමෙන්ම මෙම අවසරපත්‍රය හරහා සැපයීමට අවසර ඇති items වලට අමතරව, තවත් අවසරපත්‍රයක් සඳහා ඇමෙරිකානු රජය වෙත ඉල්ලුම්පත් යොමු කොට ඇති බවද Qualcomm සමාගම විසින් ප්‍රකාශ කර තිබෙනවා.
Kasun Jayarathna
මීට අමතරව තවත් ප්‍රසිද්ධ chip නිෂ්පාදකයින් වන Micron Technology ආයතනය සහ Intel ආයතනය ද Huawei සමාගමට තම නිෂ්පාදන අලෙවි කිරීම සඳහා වන අවසරපත්‍ර සඳහා අයදුම් කර ඇති බව ද Reuters වෙබ් අඩවිය වැඩිදුරටත් සඳහන් කරනවා.
මේ ගැන වැඩිදුර විස්තර දැනගැනීම සඳහා Reuters වෙබ් අඩවිය සහ The Verge වෙබ් අඩවිය භාවිතා කළ හැක.