Google සමාගම විසින් Google Play Store සඳහා නිතරම නව විශේෂාංග පරීක්ෂා කිරීමට කටයුතු කරන අතර, Google සමාගම විසින් මේ වනවිට Play Store වෙත “Compare apps” නම් වූ option එකක් හඳුන්වාදීමට කටයුතු කරමින් සිටින බව වාර්තා වෙනවා.
මෙම විශේෂාංගය හරහා ඔබට Play Store එක ඔස්සේ ලබාගන්නා apps වලට සමාන apps වල විශේෂාංග සහ ඒ පිළිබඳව තොරතුරු සංසන්දනය කිරීමට හැකියාව ලබාදෙනවා.
මෙය Play Store 22.4.28 සංස්කරණයෙහි දක්නට ලැබෙන නමුත්, මෙම විශේෂාංගය ක්‍රියාත්මක වන්නේ server side update එකක් හරහා වන බවද වැඩිදුරටත් වාර්තා වෙනවා.
කෙසේ වෙතත්, මෙම විශේෂාංගය පරීක්ෂණ මට්ටමේ පවතින විශේෂාංගයක් වන බැවින් මෙය Play Store පරිශීලකයන් හට පුළුල් ලෙස ලබාගැනීමට හැකියාව ලැබෙන කාලවකවානුවක් පිළිබඳව තවමත් වාර්තා වන්නේ නැහැ.
මේ ගැන වැඩිදුර විස්තර දැනගැනීම සඳහා Android Police වෙබ් අඩවිය සහ 9to5google වෙබ් අඩවිය භාවිතා කළ හැක.