Apple සමාගම විසින් ඔවුන්ගේ iCloud.com වෙබ් අඩවියට අදාල mobile site එක අලුත් කිරීමට මේ වන විට කටයුතු කර ඇති අතර, Android හෝ iOS වලදී web browser එකක් හරහා තමන්ගේ iCloud ගිණුම භාවිතා කරන්නන් හට මෙය ඉතාමත් වැදගත් ආරංචියක් වෙනවා.
මීට පෙර ද mobile browser එකක් හරහා මේ වෙබ් අඩවිය භාවිතා කළ හැකි වුවද එහිදී load වූයේ full desktop website එක බව ඔබට මතක ඇති.
කොහොම නමුත් මේ අලුතින් එකතු කිරීමට කටයුතු කර ඇති mobile වෙබ් අඩවිය සාමාන්‍යය iOS වල ඇති අදාල සේවාවන් වල apps වල පෙනුමට සමාන වන ලෙස ඉදිරිපත් කිරීමට Apple සමාගම පියවර ගෙන තිබෙනවා.
විශේෂයෙන්ම Android device එකක් භාවිතා කර තමන්ගේ iCloud ගිණුමට පිවිසෙන්නන් හට මෙය ඉතාමත් වැදගත් වනු ඇති අතර, Notes, Photos, Reminders සහ Find My iPhone වැනි සේවාවන් ඉතාමත් පහසුවෙන් Android device එකක් හරහා භාවිතා කළ හැකි වෙනවා.
කොහොම වුණත් මේ අලුත් mobile UI එක හරහා Notes, Photos, Reminders, සහ Find My iPhone යන සේවාවන් පමණක් දැනට භාවිතා කළ හඇකි අතර Contacts, Calendar මෙන්ම iWork suite වැනි අනෙකුත් apps මේ mobile website එකට ඉදිරියේදී එකතු කිරීමට කටයුතු කරනු ඇති බව විශ්වාස කෙරෙනවා.
මේ ගැන වැඩිදුර විස්තර දැනගැනීම සඳහා The Verge වෙබ් අඩවිය හා 9to5mac වෙබ් අඩවිය භාවිතා කළ හැක.