TikTok සමගින් තරඟ කිරීමට Shorts නම් වූ අලුත් අංගයක් හඳුන්වාදීමට YouTube ආයතනය සූදානම් වන බව අප ඔබව මින් පෙර දැනුවත් කරනු ලැබුවා මතක ඇති.
Varuna Prabhath
කෙටි වීඩියෝ නිර්මාණය කිරීම සම්බන්ධයෙන් පසුගිය වසර තුළ අතිශය සාර්ථක වූ app එකක් ලෙස Tik Tok හඳුන්වාදිය හැකි අතර මේ සඳහා තරඟ කිරීමට Instagram සඳහා Reels නම් විශේෂාංගය ඉන්දියාව තුළ අත්හදාබැලීමට Facebook ආයතනය කටයුතු කිරීමෙන් පසුව දැන් YouTube ආයතනයද, Shorts නම් වූ අලුත් විශේෂාංගය ඉන්දියාව තුළ අත්හදාබලමින් සිටින බව වාර්ථා වෙනවා.
Sanka Maduranga
YouTube Shorts මගින් තප්පර 15 ක් ඇතුලත music එකකට video එකක් නිර්මාණය කිරීමට පරිශිලකයන් හට අවස්ථාව ලබාදී ඇති අතර YouTube සමාගම විසින් මේ සඳහා දැනටමත් music tracks විශාල ප්‍රමාණයක් ලබාදී ඇති බවත්, අනාගතයේදී තවත් music tracks එකතු වනු ඇති බවත්, XDA-Developers වෙබ් අඩවිය වාර්ථා කරනවා.
මෙම Shorts නැමැති විශේෂාංගය YouTube Home page එකෙහි දැක ගැනීමට හැකියාව ලැබෙන අතර පරිශීලකයන්ට එක් වීඩියෝවක සිට තවත් වීඩියෝවකට swipe කිරීම මගින් මාරු වීමට හැකියාව ලබාදී ති‍බෙනවා.
Shorts සඳහාද TikTok මෙන් සිත් ඇදගන්නා සුළු tools කිහිපයක් ලබාදී ඇති බව පෙනි යන අතර පරීශිලකයන් හට music තෝරා ගැනීමෙන් ඔබ්බට ගොස් video clips කිහිපයක් එකතු කිරීමට, clips වල වේගය පාලනය කිරීම සහ රූගතකිරීම සඳහා timer සහ countdown භාවිතා කිරීමටද මෙහිදී අවස්ථාව ලැබෙනවා.
මේ YouTube Shorts මේ වන විට ඉන්දියාව සඳහා නිකුත් කර ඇති අතර ඉදිරි මාසවලදී අනෙකුත් රටවල් සඳහාද ලැබෙනු ඇතැයි අපේක්ෂා කරනවා.
මේ පිළිබඳ වැඩි විස්තර දැන ගැනීම සඳහා Google India Blog අඩවිය සහ XDA-Developers වෙබ් අඩවිය භාවිතා කළ හැක.