පසුගිය වසර කිහිපයක කාලය පුරාවට ඇතැම් අකුරු සහ unicode characters නිසාවෙන් ජංගම දුරකථන crash වීමට ලක් වූ අවස්ථා කිහිපයක් ගැන අපි ඔබව දැනුවත් කළා මතක ඇති.

අකුරු කිහිපයක් නිසාවෙන් නැවතත් ලොව පුරා iOS පරිශීලකයන් අපහසුතාවයට ලක් කරමින් iPhone සහ iPad crash වෙයි
මීට වසර දෙකකට පමණ පෙර තෙළිඟු අකුරක් පෙන්වීමේදී ඇති වූ ගැටළුවක් නිසා iOS 11සංස්කරණය crash වෙන්නට පටන්ගත්තා ගොඩ දෙනෙකුට මතක ඇති. ඔන්න දැන් ඒ ආකාරයේම අලුත් text එකක් පෙන්වීමේදී මතු වන bug එකක් හඳුනාගෙන ඇති අතරමෙම නව bug එක හරහා සිදුවන්නේ Sindhi බසින්[https://en.wikipedia.org/wiki/Sindhi_language] C…
TechNews.LK - Tech News සිංහලෙන්Sanka Maduranga

ඔන්න දැන් මේ ආකාරයේ තවත් ගැටළුවකට මුහුණදීමට සිදුව ඇති අතර මෙවර මෙය Android ජංගම දුරකථන වලට පමණක් බළපැවැත්වෙන ගැටළුවක් ව තිබෙනවා.

Ice Universe Twitter ගිණුම විසින් මුලින්ම මේ ගැටළුව ප්‍රසිද්ධියට පත් කෙරුණු අතර ඔවුන් පෙන්වන image එක wallpaper එකක් ලෙස set කිරීම හරහා අදාල ජංගම දුරකථනය crash වීමට පටන් ගැනෙනවා.

මේ වන විට Google සහ Samsung යන සමාගම් වලින් නිෂ්පාදනය කෙරුණු devices වල මේ ගැටළුව ඇති නමුත් මෙය ඇතැම් ජංගම දුරකථන මාදිලි වලට පමණක් සීමා වී තිබෙනවා.

මීට සමාන සිදුවීමක් 2018 වර්ෂයේදී Android issue tracker එකට වාර්ථා වී ඇති අතර එහි සඳහන් කර තිබුණු issue එක, reproduce කිරීමට නොහැකි වූ බව ප්‍රකාශ කරමින් එය close කර දැමීමට අදාල developer වරුන් කටයුතු කර තිබෙනවා.

විශේෂයෙන්ම මේ ගැටළුම මෙම ඡායාරූපයට පමණක් සීමා වන එකක් නොවන අතර මෙය ඇති වන්නේ Android මෙහෙයුම් පද්ධතියේ ඇති දුර්වලතාවයක් නිසාවෙනුයි.

Google-skia profile එක සහ දකුණු පස sRGB profile අතර color වෙනස

ඉහත දක්වා ඇති ඡායාරූපය Google Skia engine එක හරහා RGB color space එක භාවිතා කර ඇති අතර, Android මෙහෙයුම් පද්ධතිය විසින් භාවිතා කරනු ලබන්නේ sRGB යන color space එකයි. කොහොම නමුත් Android 11 මෙහෙයුම් පද්ධතියේදී මෙවැනි photo එකක් දර්ශනය කිරීමේදී මෙය sRGB ලෙස convert කිරීමට කටයුතු කරනු ලබන අතර, Android 10 වලදී එය එසේ නොකර දර්ශනය කිරීමට උත්සාහ කරනු ලබනවා.

අදාල device එකේ ඇති display එක එම color space එකට සහාය නොදක්වන්නේ නම්, එය දර්ශනය කිරීමට උත්සාහ කිරීමේදී crash වීමක් සිදු වනවා. මෙය wallpaper එක ලෙස set කිරීම හරහා සෑම අවස්ථාවකදීම system එක crash වීම නිසාවෙන් safe mode එක හරහා ගොස් එම wallpaper එක ඉවත් කිරීම හෝ, factory reset කිරීම හරහා පමණක් මෙයින් තම ජංගම දුරකථනය බේරාගත හැකි වෙනවා.

අදාල ඡායාරූපයේ color space එක Photoshop හෝ වෙනත් graphic මෘදුකාංගයක් හරහා sRGB වලට මාරු කිරීමෙන් පසුව එය wallpaper එකක් ලෙස set කිරීමෙන් මෙම ගැටළුව මඟහැරීමට හැකියාව තිබෙනවා.

sRGB වලට convert කරන ලද Wallpaper එක මෙම link එක හරහා download කරගන්න.

කෙසේ වුවත් මෙම wallpaper එක වෙනත් පාර්ශවයකින් ඔබට ලැබුනහොත්, දැනට එය නොසලකා හැර සිටීම බොහෝදුරට යහපත් වන අතර color space එක මාරු නොකරන ලද wallpaper එක වෙත මාරු වීමෙන් දුරකථනය bootloop එකකට යන නිසා එය නැවත සකසාගැනීමට නම් safe mode හරහා ගොස් wallpaper එක මාරු කිරීම හෝ එසේ සිදුකිරීමට නොහැකිවේනම් දුරකථනය factory reset කිරීමට සිදුවේ.

මේ ගැන වැඩිදුර විස්තර දැනගැනීම සඳහා 9to5google වෙබ් අඩවිය සහ Android Authority වෙබ් අඩවිය භාවිතා කළ හැක.