Samsung Galaxy S8 හා S8 Plus යන Flagship ජංගම දුරකථන මාදිලි නිකුත් කර මේ වන විට වසර තුනක් පමණ ගත වී තිබෙනවා.

Samsung Smartphone වල පැවති සාම්ප්‍රදායික පෙනුම සම්පූර්ණයෙන්ම වෙනස් කරමින් ආකර්ෂණීය Design එකකින් වෙළඳපොළට නිකුත් කෙරුණු මෙය Samsung සමාගමේ Flagship ජංගම දුරකථන විකාශනයේ හැරවුම් ලක්ෂයක් ලෙස අනිවාර්යෙන්ම හැඳින්විය හැකියි.

Wikipedia වෙබ් අඩවියට අනුව මෙම මාදිලියෙන් දුරකථන ඒකක මිලියන 41 ක් පමණ ලොව පුරා අලෙවි කරන්නට Samsung සමාගම සමත් වී තිබෙනවා.

කොහොම වුණත් නිකුත් කර වසර තුනක්ම අවසන් නිසා Samsung සමාගම මෙම දුරකථනය වෙත update ලබා දීම ටිකෙන් ටික අත් හරිමින් සිටින අතර දැන් Samsung සමාගම තීරණය කර ඇත්තේ මෙම දුරකථනය වෙත update ලබා දීමේ කාල සීමාව quarterly, එහෙමත් නැතිනම් මාස තුනකට එක් වරක් ලෙස වෙනස් කිරීමටයි.

එහි අදහස නම් මින් ඉදිරියට මින් ඉදිරියට මෙම දුරකථනයට මාසිකව කිසිදු software update එකක් නොලැබෙන අතර updates ලැබෙන්නේ කාර්තුවකට වරක් පමණක් එනම් මාස තුනකට වරක් පමණක් වෙනවා.

Android 7 Nougat සමඟින් නිකුත් කළ මේ Galaxy S8 මාදිලිය මේ වන විට Android 9 pie සහ One UI Original version එක මගින් බල ගැන්වෙන නමුත් මෙම මාදිලිය වෙත Android 10 update එක නොලැබෙන බව අපි මීට පෙර ඔබව දැනුවත් කළා මතක ඇති.

Android 10 Update එක ලැබීමට නියමිත Samsung දුරකථන මාදිලි පිළිබඳව තොරතුරු නිකුත් වෙයි
Google සමාගම විසින් Android මෙහෙයුම් පද්ධතියේ අලුත්ම සංස්කරණය වන Android 10සංස්කරණය නිළ වශයෙන් නිකුත් කිරීම[/android-10-officially-released-for-google-pixel-essential-and-xiaomi-phones/] සහ අනෙකුත් ජංගම දුරකථන නිෂ්පාදකයන් එම සංස්කරණය විටින් විට තමන්ගේ ජංගම දුරකථන වලටලබාදීමට කටයුතු කළ බව අපි ඔබව …
TechNews.LK - Tech News සිංහලෙන්Varuna Prabhath

මේ හා සමානවම Samsung Galaxy S7 වෙත update ලබා දීමද Samsung හි කාලරාමුව අනුව 2019 ජුනි වලදී අවසන් වීමට නියමිත වුවත් ඒ පිළිබඳව යලි සළකා බැලූ Samsung සමාගම තවත් අමතර මාස 10 ක් updates ලබා දීමෙන් අනතුරුව පසුගිය මාසයේදී එය නවත්වනු ලැබුවා.

ඒ අනුව Galaxy S8 භාවිතා කරන පාරිභෝගිකයන් හට ද අඩුම වශයෙන් 2021 අවසන් වන තෙක් වත් update ලැබෙනු ඇතැයි බලාපොරොත්තු තබා ගත හැකි වෙනවා.

මේ ගැන වැඩිදුර විස්තර දැනගැනීම සඳහා නිළ Samsung Mobile වෙබ් අඩවිය, XDA-Developers වෙබ් අඩවිය සහ GSM Arena වෙබ් අඩවිය භාවිතා කළ හැක.