OnePlus සමාගම විසින් ඔවුන්ගේම smartwatch එකක් නිකුත් කිරීමට සූදානම් වන බව මෙන්ම ඒ පිළිබඳව පසුගිය වසර පුරාවට විවිධ තොරතුරු වාර්තා වුණු අතර ඒ පිළිබඳව අපි ඔබව කිහිප අවස්ථාවකදීම දැනුවත් කළා මතක ඇති.

OnePlus Watch නමින් smartwatch එකක් එළිදැක්වීමට OnePlus සමාගම සූදානම් වන ලකුණු
OnePlus යනු මේ වන විට ජංගම දුරකථන, රූපවාහිනී, OnePlus Buds ආදී උපාංග සමගින්පැමිණෙන ප්‍රමුඛ පෙළේ චීන සමාගමක් වන බව ඔබ දැනටමත් දන්නා කාරණාවක් වෙනවා. එයින් නොනැවතී ඔවුන් smartwatch වෙළඳපොළට ද පිවිසීමට සූදානමින් සිටින බව මේ වනවිටවාර්තා වන අතර මේ අනුව OnePlus Watch නමින් smartwatch එකක් නිකුත් කිරීමට …
TechNews.LK - Tech News සිංහලෙන්Varuna Prabhath

මූලිකව මේ පිළිබඳව සිංගප්පූරුවේ IMDA ආයතනය විසින් තොරතුරු‍ හෙළි කළ අතර මීළඟට ප්‍රසිද්ධ tipster කෙනෙකු වන Max J විසින් Twitter පණිවිඩයක් හරහා තවත් තොරතුරු අනාවරණය කිරීමට කටයුතු කරනු ලැබුවා.

OnePlus Watch එක සඳහා Google සමාගමෙහි Android Wear OS එක භාවිතා නොකරන බව වාර්තා වෙයි
OnePlus සමාගම විසින් OnePlus watch නමින් smartwatch එකක් නිකුත් කිරීමට කටයුතුකරමින් සිටින බවට [/oneplus-watch-is-coming-gets-certified-by-singapores-imda/] පසුගිය කාලය පුරාවටම තොරතුරු වාර්තා වූ අතර මෙම OnePlus watch එක Google සමාගමෙහිWear OS එකෙන් බලගැන්වෙන්නේ නැති බව ප්‍රසිද්ධ tipster කෙනෙකු වන …
TechNews.LK - Tech News සිංහලෙන්Sanka Maduranga

කොහොම නමුත් මේ වන විට OnePlus සමාගමේ CEO, එහෙමත් නැතිනම් ප්‍රධාන විධායක නිළධාරීවරයා වන Pete Lue විසින් ඔහුගේ නිළ Twitter ගිණුමෙහි tweet එකක් පළ කරමින් නිවේදනය කර සිටින්නේ බොහෝ දෙනෙකුගේ ඉල්ලීම පරිදි ලබන වසරේ මුල් භාගයේදී ඔවුන්ගේ මේ OnePlus Watch එක එළිදැක්වීමට කටයුතු කිරීමට සූදානම් වන බවයි.

2021 වර්ෂයේ මුල් භාගයේදී OnePlus 9 ජංගම දුරකථනය නිකුත් කිරීමට සමගාමීව මෙම smartwatch එකද එළිදක්වනු ඇති බව අනුමාන කළ හැකි අතර, මේ වන විට Apple watch එක විසින් බළය පතුරුවාගෙන සිටින wearable වෙළඳපොලට, මිලෙන් අඩු එනමුත් තත්ත්වයෙන් උසස් smartwatch එකක් එළිදැක්වීමට OnePlus සමාගම කටයුතු කරනු ඇතැයි බොහෝ දෙනා අපේක්ෂා කරනවා.

මේ පිළිබඳව වැඩිදුර විස්තර දැනගැනීම සඳහා The Verge වෙබ් අඩවිය සහ XDA-Developers වෙබ් අඩවිය භාවිතා කළ හැක.