Microsoft සමාගමේ වාර්ෂික event වලින් විශාලතම event එක වන Microsoft Build 2020 Developer Conference එක ගැන මීට පෙර අපි ඔබව දැනුවත් කිරීමට කටයුතු කළා මතක ඇති.

Microsoft Build 2020 Developer Conference එක සඳහා නොමිලයේ ලියාපදංචි වීමේ හැකියාව ලබාදීමට තීරණය කරයි
Microsoft සමාගමේ වාර්ෂික event වලින් විශාලතම event එකක් වන මයික්‍රොසොෆ්ට් Build 2020 Developer Conference එක සඳහා නොමිලයේ ලියාපදංචි වීමේ හැකියාව ලබාදීමට ඔවුන් තීරණය කර තිබෙනවා. දැනට පවතින Corona වෛරස් වසංගතය නිසා මයික්‍රොසොෆ්ට් ආයතනයට මෙම අංගය ගැන මුළුමනින්ම නැවත සිතා බැලීමට කටයුතු කර ඇති නමුත් එය …

මේ event එක පසුගිය මැයි 19 සහ 20 යන දිනයන් වලදී පැවැත්වීමට කටයුතු කළ අතර මීට සමගාමීව මෙහි අන්තර්ගතය සිංහල භාශාවෙන් ඉදිරිපත් කරනු ලබන Microsoft Build 2020 Recap (සිංහල) event එක හෙට දින, එනම් මැයි මස 24 වැනි දින සජීවීව ඉදිරිපත් කිරීමට මේ වන විට කටයුතු සූදානම් කර තිබෙනවා.

මෙය ශ්‍රී ලංකාවේ වේලාවෙන් පස්වරු 6ට ආරම්භ වීමට නියමිත අතර Microsoft Windows, Microsoft Azure, Microsoft 365, පසුගිය දින වල විශේෂයෙන් කතාබහට ලක් වූ Microsoft Teams, Visual Studio Codespaces ගැන මෙන්ම තවත් බොහෝ දේ ගැන සාකච්ඡා කිරීමට නියමිත අතර, විශේෂයෙන්ම තොරතුරු තාක්ෂණික හා Software engineering යන ක්ෂේත්‍ර වලට උනන්දුවක් දක්වන හෝ දැනටමත් සම්බන්ධ පුද්ගලයින් හට ඉතාමත් වැදගත් වන බව අමුතුවෙන් කිවයුතු නැත.

මේ event එක සඳහා Microsoft Most Valuable Professional (MVP) සම්මානයෙන් පිදුම් ලද පුද්ගලයින් ඇතුළු ශ්‍රී ලංකාවේ තාක්ෂණික ක්ෂේත්‍රයේ ප්‍රවීණයන් රැසක් සහභාගී වන අතර එම වැඩසටහන අතරතුර සජීවීව සම්බන්ධ වී ක්ෂේත්‍රයේ ප්‍රවීණයන්ගෙන් ඔබගේ ගැටළු වලට අදාල පිළිතුරු ලබාගැනීමේ හැකියාව ද පවතිනවා.


Microsoft Build 2020 Recap එක සඳහා මාධ්‍යය අනුග්‍රහය TechNews.LK කණ්ඩායම විසින් සපයනු ලබන අතර අපගේ නිළ Facebook page එක සහ YouTube channel එක හරහා මෙය සජීවීව විකාශය කිරීමට කටයුතු කෙරෙනු ලැබෙනවා.

නිළ YouTube channel එක

මීට අමතරව අ‍පගේ Techie Android app එක, Techie Live Platform එක හරහා ද මෙය විකාශය කෙරෙන නමුත්, සජීවීව ප්‍රශ්න ඇසීමේ හැකියාව ලබාගත හැක්කේ නිළ YouTube channel එක සහ Facebook page එක හරහා පමණක් වන බව කරුණාවෙන් සළකන්න.