පසුගිය අගෝස්තු මාසයේදී Google සමාගම විසින් ඔවුන්ගේ Google Pixel 4a ජංගම දුරකථනය එළිදැක්වීමට කටයුතු කළ අතර, එම event එක අතරතුරදී මෙම වසර ඇතුලත තවත් Google Pixel ජංගම දුරකථන ද්විත්වයක් එළිදැක්වීමට කටයුතු කරනු ලබන බව ඔවුන් ප්‍රකාශ කර සිටියා.
එමෙන්ම පසුව අන්තර්ජාලයට එකතු වී තිබුණු පුවතක් අනුව Google Pixel 4a 5G සංස්කරණය සහ Pixel 5 ජංගම දුරකථනය මීළඟ සැප්තැම්බර් 30 වැනි දින නිකුත් කරනු ඇති බවට ඉඟි පළ වූ අතර ඒ පිළිබඳව අපි ඔබව දැනුවත් කිරීමට කටයුතු කළා මතක ඇති.
Chamith Sankalpa
ඔන්න දැන්, Google සමාගම විසින් නිළ වශයෙන් නිවේදනයක් නිකුත් කරමින් ප්‍රකාශ කර සිටින්නේ ඔවුන්ගේ මීළඟ event එක සැප්තැම්බර් 30 වැනි දින පැවැත්වීමට නියමිත බවත්, එහිදී අලුත් Pixel ජංගම දුරකථන, අලුත් Chromecast එකක් සහ smart speaker එකක් ද එළිදැක්වීමට නියමිත බවයි.
මේ අනුව මීළඟ සැප්තැම්බර් මස 30 වැනි දින (ශ්‍රී ලංකා වේලාවෙන්) රාත්‍රී 11:30ට මේ event එක ආරම්භ වනු ඇති අතර එය සජීවීව නැරමීමේ හැකියාව ලබාදීමට Google සමාගම කටයුතු කරනු ඇති.
මීට අමතරව Google සමාගම විසින් Android TV dongle එකක් ද නිකුත් කරනු ඇති බව බොහෝ දෙනා මත පළ කරනු ලබන අතර, Sabrina යන codename එකෙන් හඳුන්වන මේ TV Dongle එක පිළිබඳව අපි ඔබව මීට පෙර දැනුවත් කළා මතක ඇති.
Sanka Maduranga
මේ ගැන වැඩිදුර විස්තර දැනගැනීම සඳහා The Verge වෙබ් අඩවිය, 9to5google වෙබ් අඩවිය සහ XDA-Developers වෙබ් අඩවිය භාවිතා කළ හැක.