Zoom පරදවන්න, Google Meet දැන් ඔබේ Gmail Inbox එක හරහා ම ලබාදීමට Google සමාගම කටයුතු කරයි

Google සමාගම තම සාමන්‍ය පාරිභෝගිකයන්ට මෙතෙක් කල් ලබා නොදුන්, G suite සහ Education පාරිභෝගිකයන්ට පමණක් ලබාදුන් Meet සේවාව පසුගිය සතියේ සිට සියලුම Gmail භාවිතා කරන්නන් හට enable කරන ලද බව අපි ඔබව මීට පෙර දැනුවත්කළා මතක ඇති.

මේ අතර Meeting එකට සම්බන්ධ වන්නන්ගේ ප්‍රමාණය 100 දෙනෙක් දක්වා ද, meeting එකක කාලය පැයක් තෙක් වැඩි කිරීම ද සිදු කිරීමට ඔවුන් කටයුතු කරනු ලැබුවා.

එමෙන්ම මේ වන විට මේ Google Meet සහ Gmail අතර integration එක, එනම් සම්බන්ධතාවය සිදු කිරීමට Google සමාගම කටයුතු කර ඇති අතර, මේ වන විටත් ඇතැම් පරිශීලකයන් හට Gmail වල වම්පස තීරුවේ Google Meet option එක දැකගත හැකි වන බව වාර්ථා වෙනවා.

මෙමගින් කෙනෙකුට meeting එකක් ආරම්භ කර Pop-up window එකක් තුලින් ඊට අදාල සහභාගිවන්නන්ට ආරාධනා කළ හැකි අතර එය ඉතා වේගවත් වන මෙන්ම වහාම Dial-in සහ PIN ලබා දෙනු ලබනවා.

එසේතු නැතහොත් ආරක්ෂක කේතයක් භාවිතා කරමින් පවතින රැස්වීමකට මේ හරහා ඉතා ඉක්මණින් සහ පහසුවෙන් සම්බන්ධ වීමේ හැකියාව තිබෙනවා.

Zoom සමග කරට කර තරඟයක Google සහ Microsoft යන සමාගම් ද්විත්වයම සිටින අතර Corona වසංගතය නිසා අපට මේ උදා වී ඇති Stay Home යුගයේ ප්‍රධානතම තැන ගෙන ඇත්තේ Zoom Video Conferencing App එක වුවද එහි දක්නට ලැබුනු Privacy ප්‍රශ්න සහ Hack වීමේ ප්‍රවණතාව වැනි දේවල් නිසා Google Meet සේවාව Privacy Controls භාවිතා කරයි.

ඔබට කෙලින්ම Google Meet Conference එකකට ඇතුලු විය නොහැකි අතර, ඒ සඳහා ඔබ Google login එකක් හරහා යා යුතු වෙනවා.

එමෙන්ම Meeting Host ඔබට ආරාධනා කර නොමැති නම් ඔබට Waiting Area එකක රැඳී සිටීමටද සිදුවන අතර නොමිලේ ලබාද‌ෙන සේවාවේ දුරකථන ඇමතුමක් මගින් Meeting එකක් වෙත ඇතුලු වීමේ හැකියාව නවතා ඇත.

Google Meet හි ඇති advanced වීඩියෝ-conferencing අංග සියලුම G Suite සහ G Suite for Education පාරිභෝගිකයන්ට ලබාදෙනු ලබනවා.

• තනි ඇමතුමකට සාමාජිකයන් 250ක් තෙක් විශාල රැස්වීම්.
• එකම Domain එකක් තුල නරඹන්නන් ලක්ශයකට Live streaming පහසුකම.
• රැස්වීම් හෝ ඇමතුම් Record කර Google Drive හි save කිරීමේ හැකියාව.‌

Microsoft Teams සේවාවේ දිනකට සක්‍රීය පරිශීලකයින් ගණන මිලියන 75 ක් දක්වා වර්ධනය කරගෙන ඇති බව පසුගිය සතියේදී Microsoft සමාගම විසින් පැවසූ අතර Meet සඳහා දිනකට මිලියන 3 ක් පමණ නව පරිශීලකයින් එකතු කරමින්, Google Meet වල දිනකට සක්‍රීය පරිශීලකයන් ගණන මිලියන 100ක් පමණ වන බව වාර්තා වෙනවා.

කොහොම නමුත් Google සමාගම සෑම විටම වීඩියෝ Calls / Chat Apps සම්බන්ධව කටයුතු කිරීමේදී සංවිධානාත්මකව කටයුතු කිරීමේ මඳ බවක් පෙන්වා ඇති අතර (G-Chat සහ Allo මතකද?) පසුගිය මාසය වන තුරු, Meet; Hangouts Meet ලෙස හැඳින්විය.

Google Meet පහුසකම සඳහා වඩා හොඳ ස්ථානගත කිරීමක් ලබා දීම සඳහා Gmail හි වම් පස තීරුවේ තැබුවද, Hangouts Chat තවමත් Gmail තුල පවතී.

කෙසේ වෙතත් Microsoft සහ Google හි දැනට පවතින ව්‍යාපාර කීර්ති නාමයන් පහත වැටීමට හෝ එය Zoom වෙත යාම වැලැක්වීම පිළිබඳව සමාගම් දෙකම වග බලා ගනු ඇති බව අපගේ අදහසයි.

මේ ගැන වැඩිදුර විස්තර දැනගැනීම සඳහා TechCrunch වෙබ් අඩවිය සහ The Verge වෙබ් අඩවිය භාවිතා කළ හැක.