Facebook සමාගම විසින් ඔවුන්ගේ Instagram, WhastApp සහ Messenger යන සේවාවන් ඒකාබද්ධ කිරීමට සූදානම් වන බව සහ ඒ පිළිබඳව තොරතුරු රැසක් වසරක පමණ කාලයක සිට අපි ඔබව දැනුවත් කළා මතක ඇති.
Mirshad Makeen
ඔන්න දැන්, එහි පියවරක් ලෙස අලුත් update එකක් හරහා Instagram වල තිබුණු Direct Messeges පහසුකම Facebook Messenger සමඟින් සම්බන්ධ කිරීමට Facebook ආයතනය කටයුතු කර ඇති බව The Verge වෙබ් අඩවිය වාර්ථා කරනු ලබනවා.
මේ update එක iOS සහ Android යන platform ද්විත්වයම භාවිතා කරනු ලබන පරිශීලකයින් හට ලැබී තිබෙන අතර මේ අලුත් update එක ලබාගැනීමෙන් අනතුරුව Instagram DM icon එක වෙනුවට Facebook Messenger logo එක පෙන්වනු ලබන අතර emoji reactios, swipe-to-reply මෙන්ම Facebook මිතුරන් සමඟ chat කිරීමේ පහසුකම ද ලබාදෙනු ලබන බව popup එකක් පෙන්වීමට කටයුතු කලත්, තවමත් Facebook මිතුරන් සමඟ chat කිරීමට හැකියාව නොමැති බව ද The Verge වෙබ් අඩවිය වැඩිදුරටත් පෙන්වා දෙනවා.
කොහොම නමුත් ඉදිරි සති කිහිපය ඇතුලත මෙම ගැටළුව විසඳීමටත්, ඉදිරියේදී සියළුම Instagram පරිශීලකයින් හට මෙම හැකියාව ලබාදීමටත් Facebook ආයතනය කටයුතු කරනු ඇති බව අනුමාන කළ හැකි වෙනවා.
මේ ගැන වැඩිදුර විස්තර දැනගැනීම සඳහා The Verge වෙබ් අඩවිය සහ HyperBeast වෙබ් අඩවිය භාවිතා කළ හැක.