WhatsApp වලට Dark Mode එක හඳුන්වාදීමට සූදානම් වන බව පසුගිය 2018 වර්ෂයේදී අපි ඔබව දැනුවත් කලත්, මේ දක්වා එම පහසුකම නිළ වශයෙන් නිකුත් කිරීමට WhatsApp ආයතනය කටයුතු කර තිබුණේ නැහැ.
අසේල ප්‍රියදර්ශන
කොහොම නමුත් පසුගිය මාර්තු 3 වැනි දින මේ dark mode පහසුකම ලොව පුරා WhatsApp පරිශීලකයන් හට නිළ වශයෙන් නිකුත් කිරීමට WhatsApp ආයතනය කටයුතු කර තිබුණා.
ඔබ දැනටමත් iOS 13 හෝ Android 10 භාවිතා කරන්නේ නම් system theme එක අනුව මේ dark mode එක ස්ව්‍යංක්‍රීයව ක්‍රියාත්මක වනු ඇති නමුත් Android 9 භාවිතා කරන්නේ නම් Settings > Chats > Theme > select ‘Dark’ හරහා ගොස් dark theme එක activate කරගත යුතු වෙනවා.
කොහොම වුණත් iOS 13 හෝ ඊට පසුව නිකුත් කළ iOS සංස්කරණයක් භාවිතා නොකරන පරිශීලකයන් හට මේ Dark mode පහසුකම භාවිතා කිරීමේ හැකියාව නොලැබෙන බව ඔවුන් වැඩිදුරටත් ප්‍රකාශ කර සිටිනවා.
තවමත් ඔබට මේ dark mode option එක දැකගත නොහැකි නම් ඉක්මණින්ම Google Play හෝ AppStore එක හරහා අලුත්ම WhatsApp සංස්කරණයට update කරගැනීමට කටයුතු කිරීමෙන් මෙය ලබාගත හැකි වනු ඇත.
මේ ගැන වැඩිදුර විස්තර දැනගැනීම සඳහා නිළ WhatsApp Blog එක, TechCrunch වෙබ් අඩවිය හා The Verge වෙබ් අඩවිය භාවිතා කළ හැක.