Spotify ආයතනය විසින් ඔවුන්ගේ Playlists සඳහා WhatsApp, Instagram වල ඇති ආකාරයේ Stories පහසුකමක් එකතු කිරීමට සූදානම් වන බව මේ වන විට වාර්තා වෙනවා.

මේ වන විටත් Jennifer Lopez, Kelly Clarkson, සහ Pentatonix වැනි ප්‍රසිද්ධ කළාකරුවන් හට ඔවුන්ගේ playlists හරහා මේ ආකාරයේ කෙටි video clips පළ කිරීමේ අවස්ථාව ලබාදී ඇති අතර, මෙය කළාකරුවන් හට පමණක් Stories පළ කිරීමේ හැකියාව ලබාදෙන පහසුකමක් බව දැකගත හැකි වෙනවා.

කොහොම නමුත් මේ පිළිබඳව Engadget වෙබ් අඩවියට නිවේදනයක් නිකුත් කරමින් Spotify සමාගමේ නියෝජිතයෙකු ප්‍රකාශ කර ඇත්තේ බොහෝ අවස්තා වලදී ‍පරිශීලකයාගේ user experience එක වැඩිදියුණු කිරීම සඳහා මෙවැනි අත්හදාබැලීම් සිදු කිරීමට ඔවුන් නිතරම කටයුතු කරනු ලබන බවත්, ඇතැම් අත්හදාබැලීම් පහසුකම් ලෙසින් පරිශීලකයින් හට ලබාදීමට කටයුතු කරනු ලබන අතර අනෙකුත් අත්හදාබැලීම් වලින් ඔවුන් යමක් ඉගෙනගන්නා බව පමණක් වන බවයි.

එමෙන්ම මේ පිළිබඳව වැඩිදුරටත් යමක් ප්‍රකාශ කිරීමට නොහැකි බව ද ඔහු ප්‍රකාශ කර තිබෙන නමුත් මේ පිළිබඳව ඉදිරියේදී තවත් විස්තර අන්තර්ජාලයට එකතු වනු ඇති බව අනුමාන කළ හැකි වෙනවා.

මේ පිළිබඳව වැඩිදුර විස්තර දැනගැනීම සඳහා Independent වෙබ් අඩවිය, Engadget වෙබ් අඩවිය සහ The Verge වෙබ් අඩවිය භාවිතා කළ හැක.