පසුගිය ඔක්තෝම්බර් පළමුවැනි දින Call of Duty mobile game එක iOS සහ Android පරිශීලකයන් හට නිළ වශයෙන් නිකුත් කිරීමට කටයුතු කරනු ලැබූ බව අපි ඔබව මීට කලින් දැනුවත් කළා මතක ඇති.
ප්රියශාන් ජයසංඛ
ගතවූ සතියකට අධික කාලසීමාව තුළ download කිරීමේ වාරයන් මිලියන 100 අභිබවා යමින් mobile game එකක් ඉතිහාසයේ වාර්ථා වී ඇති විශාලතම game launch එක බවට පත්වීමේ අවස්ථාව Call of Duty mobile game එකට මේ වන විට හිමි වී තිබෙනවා.
සංඛ්‍යාත්මක වශයෙන් ගත් කළ ලොව පුරා ප්‍රසිද්ධ තවත් mobile game එකක් වන PUBG mobile නිකුත් කර පළමු සතිය ඇතුලත download කිරීමේ වාර ගණන (Sensor Tower වෙබ් අඩවියට අනුව) මිලියන 28ක් වූ අතර Fortnite (මූලිකව iOS වලට පමණක් නිකුත් විය) වල මේ තත්ත්වය මිලියන 22.5ක් පමණ විය.
මෙහි විශේෂත්වය වන්නේ මේ downloads මිලියන 100ට චීනය අයත් නොවීම වන අතර මීට හේතුව මේ game එක තවමත් චීන‍යට නිකුත් කිරීමට මොවුන් කටයුතු කර නොතිබීමයි.
Worth noting that this is without a China launch either.
— Daniel Ahmad (@ZhugeEX) October 8, 2019
Activision previously had 37m monthly active users across its brands (Call of Duty, Crash Bandicoot etc...) on PC/Console.
In just one week they reached more than 100m with a successful mobile game using the COD IP. https://t.co/UlrIhkfB2z
එමෙන්ම Calls of Duty mobile download කිරීමේ ප්‍රතිශතය ගතහොත් 57.7%ක ප්‍රමාණයක් iOS පරිශීලකයන් වන අතර එහි ආදායමෙන් 53%ක ප්‍රමාණයක්, එනම් ඇමෙරිකානු ඩොලර් මිලියන 17.7ක් ලැබී තිබෙන්නේ ද iOS පරිශීලකයන්ගෙන බව දැනගන්නට ලැබෙනවා.
මේ Call of Duty mobile game එක Tencent ආයතනනයේ චීනයේ Shenzhen වල පිහිටා ඇති TiMi Studio එක හරහා නිර්මාණය කර ඇති අතර Call of Duty game එකේ හිමිකරුවන් වන Activision සමාගම විසින් publish කර තිබෙන බව ඔබ මේ වන විටත් දන්නවා ඇති.
මේ ගැන වැඩිදුර විස්තර දැනගැනීම සඳහා The Verge වෙබ් අඩවිය හා Sensor Tower වෙබ් අඩවිය භාවිතා කළ හැක.