Microsoft විසින් RPA Platform එකක් වන Softomotive තමන්ගේ අයිතියට ගත් බව Microsoft ප්‍රධාන විධායක නිළධාරී වන Satya Nadella, ඊයේ (මැයි 19) පැවති Microsoft Build 2020 සමුළුවේදී ප්‍රකාශ කරනු ලැබුවා.

Softomotive Platform එක Microsoft හි දැනට තිබෙන Power Automate Platform එකටම එකතු වන අතර මෙමඟින් පැරණි (Legacy) Applications ස්වයංක්‍රීයකරණය ඉතා පහසු වන බව ඔහු පෙන්වා දෙයි.

Microsoft acquires Softomotive to expand low-code robotic process automation capabilities in Microsoft Power Automate
Today, we are announcing the acquisition of Softomotive, a world-leading provider of robotic process automation (RPA) provider with over 15 years of experience and the creator of WinAutomation.
Power AutomateCharles Lamanna

Softomotive Platform එක භාවිතා කරන පාරිභෝගිකයන් ගනන දැනට 9000ක් පමණ සිටින අතර Microsoft හි දැනට පවතින RPA Platform එක හෙවත් PowerAutomation Platform එකේ දැනට License තිබෙන පාරිභෝගිකයන් හට නොමිලේ මෙම Softomotive Platform එක භාවිතා කළ හැකි බවත් ඔහු වැඩිදුරටත් පෙන්වා දෙනු ලබනවා.

Person working on a laptop with Microsoft Power Automate.

WinAutomation හි low-code RPA යෙදුම Softomotive නම් වන අතර මෙමඟින් මෙතෙක් කල් Power Automate මඟින් සහය නොදුන් සාමන්‍ය පරිගණක මෘදුකාංග (Legacy Desktop Applications) හැසිරවීම වැනි දේ ඇතුළු Microsoft Power Automate හි සැලකිය යුතු විශේෂාංග කිහිපයක්ම දියුණු වෙනවා.

ඉහතින් දැක්වෙන්නේ Softomotiveලාගේ WinAutomation Tool එකේ Screenshot එකක් වන අතර මෙය SAP වැනි මෘදුකාංග ද Legacy Terminal මෘදුකාංග ද සහ Java වැනි සියලුම Desktop Applications පාලනය කිරීමට සමත් වේ.

WinAutomation වලට අමතරව Softomotiveලාගේ වෙනත් Apps වන Process Robot ආදිය ද Power Automate පවුලේ අලුත් තැනක් ගන්නා අතර මෙම මිලදී ගැනීමට ප්‍රධානතම හේතුව නම් WinAutomation හි Desktop Automation Features බව අපට පැහැදිලිව පෙනේ.

මේ පිළිබඳව අදහස් දක්වමින් Softomotive හි ප්‍රධාන විධායක නිළධාරියා වන Marios Stavropoulos මෙසේ ප්‍රකාශ කරනු ලබනවා.

"ලෝක ජනගහනයෙන් 2% ක් පමණ ඉතා කුඩා ප්‍රතිශතයක් පමණක් Coding කිරීමට දන්නා නිසා අපගේ ප්‍රධාන අරමුණ වූයේ මෙම මෘදුකාංගය තාක්ෂණික දැනුමෙන් අඩු, ව්‍යාපාර දැනුමෙන් වැඩි අවසන් පරිශීලකයන් වෙත ලබාදීමයි. මන්ද යම් යම් ක්‍රියාවලි වැඩි දියුණු කිරීමේ කටයුතු වලදී වැඩි දායකත්වයක් ලබා දෙන්නේ ඔවුන් නිසාවෙනි.

අපගේ ඇති කැපීපෙනන ලක්ෂණයක් නම්, භාවිතා කිරීමේ පහසුවයි. මෙනිසා මෙය technical නොවන පුද්ගලයන්ට පහසුවෙන් භාවිතා කළ හැකි අතර developers ලා හට වැඩිපුර ගැඹුරෙන් බැලිය යුතු දේවල් ගැන සහ විශේෂ කරුණු ගැන සොයා බැලිය හැක. එනිසා මෙම දැක්මත් සමඟ අපට Microsoft සමඟ එක්ව ගමන් කිරීමට හැකිවීම ගැන අතිශයින් සතුටු වෙනවා"

සමාගම් දෙකම මෙම ගනුදෙනුවේ මූල්‍ය තොරතුරු පිළිබඳව අනාවරණයක් සිදු කිරීමට කටයුතු කර නැහැ.

මේ පිළිබඳ වැඩිදුර තොරතුරු Microsoft වෙබ් අඩවියෙන්ද , Softomotive වෙබ් අඩවියෙන්ද , TechCrunch වෙබ් අඩවියෙන්ද ලබා ගත හැක