ලොව ප්‍රසිද්ධ මෝටර් රථ නිශ්පාදකයින් දෙදෙනෙකු වන BMW සමාගම සහ Hyundai සමාගම වියට්නාම් හැකර්වරුන් පිරිසක් විසින් hack කිරීමට කටයුතු කර ඇති බව ජර්මානු මාධ්‍යය ආයතන විසින් ප්‍රකාශ කර සිටිනවා.
මේ ආකාරයෙන් අදාල පරිගණක ජාල අත්පත් කරගැනීමෙන් අනතුරුව අදාල පරිගණක වල Cobalt Strike නමින් හඳුන්වනු ලබන penetration testing toolkit එකක් install කිරීමට එම හැකර්වරුන් කටයුතු කර ඇති අතර එය backdoor එකක් ලෙස භාවිතා කරමින් නැවත නැවතත් අදාල පරිගණක access කිරීමට ඔවුන් කටයුතු කර තිබෙන බව වාර්ථා වෙනවා.
tagesschau.de
BMW සමාගම එම හැකර්වරුන් හට අදාල network එක ඇතුලත කටයුතු සිදු කිරීම සඳහා ඉඩදී ඔවුන් සිදු කරන්නේ කුමක්ද යන්න බලාසිටි බව වාර්ථා වන අතර පසුගිය නොවැම්බර් මස වන විට එම පරිගණක ජාලයේ ආරක්ෂාව තර කරමින් හැකර්වරුන්ගේ access අහිමි කිරීමට කටයුතු කර තිබෙනවා.
කොහොම වුණත් මේ පිළිබඳව BMW සමාගම හෝ Hyundai සමාගම විසින් කිසිඳු නිළ ප්‍රකාශයක් ඉදිරිපත් කිරීමට මේ වන තුරු කටයුතු කර නොමැති අතර ZDNet වෙබ් අඩවිය විසින් ඔවුන් වෙත ඉදිරිපත් කළ ප්‍රශ්න වලට ද පිළිතුරු ලබාදීමෙන් වැලකී සිටීමට ඔවුන් කටයුතු කර තිබෙනවා.
Catalin Cimpanu
මේ පිළිබඳව වැඩිදුර තොරතුරු වාර්ථා කරමින් ZDNet වෙබ් අඩවිය විසින් ප්‍රකාශ කරන්නේ මේ hacking ප්‍රහාරය වියට්නාම් රජය වෙනුවෙන් Ocean Lotus, එහෙමත් නැතිනම් APT32 යනුවෙන් හැඳින්වෙන හැකර් කණ්ඩායම විසින් සිදු කර ඇති බවයි.
මේ හැකර්වරුන් කණ්ඩායම 2014 වර්ෂයේ සිට මේ දක්වා විවිධ ක්‍රියාකාරකම් සිදු කර ඇති අතර 2017 වර්ෂයේ සිට විශේෂයෙන්ම මෝටර් රථ නිෂ්පාදන කර්මාන්තයට සම්බන්ධ ආයතන ඉලක්ක කරගෙන සයිබර් ප්‍රහාර එල්ල කිරීමේ ප්‍රවනතාවයක් දැකිය හැකි බව ඔවුන් වැඩිදුරටත් පෙන්වා දෙනවා.
මේ ගැන වැඩිදුර විස්තර දැනගැනීම සඳහා zdnet වෙබ් අඩවිය, mashviral වෙබ් අඩවිය, br.de වෙබ් අඩවිය හා tagesschau වෙබ් අඩවිය භාවිතා කළ හැක.