Grok AI Chatbot එක භාවිතා කිරීමට තවදුරටත් Premium X subscription එකක් තිබීම අවශ්‍යය වන්නේ නැහැ.
මේ දක්වා X (එහෙමත් නැතිනම් Twitter) හි Grok AI Chatbot එක භාවිතා කළ හැකි වූයේ Premium subscription එකක් තිබුණු X පරිශීලකයින් හට පමණක් වුවත්, මේ වන විට එහි free version එකක් සියළුම X පරිශීලකයින් හට ලබාදීමට කටයුතු කර තිබෙනවා.
X ආයතනය විසින් ලබාදී ඇති මේ limited free version එක හරහා premium subscription එකක් නොමැති X පරිශීලකයින් හට, පැය දෙකක කාලයක් ඇතුලත messages 10ක් දක්වා යැවීමේ හැකියාව ලබාදී තිබෙනවා. මෙම සීමාව සෑම පැය දෙකකටම වරක් reset වීමක් සිදු වෙනවා, එනම් ගතවූ පැය දෙක ඇතුලත ඔබ messages 10 ම භාවිතා කලේ නම්, තවත් පැය දෙකකින් ඔබට තවත් messages 10ක් යැවීමට හැකියාව ලැබෙනවා.
මීට අමතරව free පරිශීලකයින් හට දිනකට image analysis 3ක් සහ image generates 2ක් සිදු කළ හැකි වෙනවා.
කෙසේ නමුත් මෙම පහසුකම නොමිලයේ භාවිතා කිරීමට නම් ඔබගේ X account එක නිර්මාණය කර දින 7ක් පසු වී තිබිය යුතු වන අතර, එය mobile number එකක් link කර තිබිය යුතු වෙනවා.
මේ දක්වා X විසින් මෙම පහසුකම නිකුත් කිරීම පිළිබඳව නිළ වශයෙන් නිවේදනයක් නිකුත් කිරීමට කටයුතු කර නැහැ.
මේ පිළිබඳව වැඩිදුර විස්තර දැනගැනීම සඳහා The Verge වෙබ් අඩවිය සහ Forbes වෙබ් අඩවිය භාවිතා කළ හැක.