මේවනවිට ශ්‍රී ලංකාව මුහුණ දී සිටින දරුණු ගංවතුර තත්ත්වය හමුවේ පීඩාවට පත් ජනතාවට සහන සැලසීම සඳහා, මෙරට විශාලතම සහ ක්‍රියාකාරී Crypto community එක වන CeylonCash මගින් ගෝලීය blockchain communities වෙතින් සහය ලබාගැනීමට කටයුතු කර තිබෙනවා. මෙහි විශේෂත්වයක් වශයෙන් ගෝලීය crypto ප්‍රජාවන්ගේ අවධානය ලංකාව වෙත ලැබී තිබෙනවා.

ජාත්‍යන්තර හවුල්කරුවන්, Developers ලා, Investors ලා සහ Crypto වෙනුවෙන් පෙනී සිටින විශාල පිරිසකගෙන් සැදුම්ලත් ජාලයක් හරහා, විපතට පත් වූවන්ට මෙම හදිසි මානුෂීය මෙහෙයුම හරහා ආහාර, වෛද්‍ය සැපයුම් සහ තාවකාලික නවාතැන් සැපයීමට ඔවුන් අපේක්ෂා කරනු ලබනවා.

Web3 community වලට traditional systems වලට වඩා ක්ෂණිකව ක්‍රියාත්මක විය හැකි බවට මෙය හොඳම උදාහරණයක් බව ද මෙම තීරණාත්මක මොහොතේදී ගෝලීය Crypto community එකෙහි සහය අපේක්ෂා කරන බව CeylonCash හි Community Lead ලෙස කටයුතු කරන CMNisal ප්‍රකාශ කර සිටිනවා. ඒ අනුව ලොව පුරා සිටින සියලුම Crypto ක්‍රියාකාරීන්ගෙන් ඉල්ලා සිටින්නේ, Blockchain ව්‍යාපෘති, DAOs, Exchanges, NFT communities සහ නිර්මාණකරුවන්ට මෙය දැනුවත් වීම සඳහා #DonateSriLanka සහ #Flood2025 යන Hashtags භාවිතා කරමින් මෙම පණිවිඩය බෙදා හරින ලෙසයි.

CeylonCash මේ ආකාරයට අර්බුදයකට ප්‍රතිචාර දැක්වූ පළමු අවස්ථාව මෙය නොවන අතර 2022 වසරේ පැවති වසංගත තත්වය තුළදීත් ඔවුන් කලාපීය සහ ගෝලීය Crypto හවුල්කරුවන් සමඟ එක්ව සහන බෙදා හැරීමට කටයුතු කර තිබෙනවා. Decentralized සහයෝගීතාවය හරහා සැබෑ ලෝකයට බලපෑමක් කළ හැකි බව ඔවුන් එමගින් තහවුරු කර තිබෙනවා.

මේ පිළිබඳව වැඩිදුර විස්තර දැනගැනීම සඳහා CeylonCash X ගිණු​ම භාවිතා කළ හැක.