YouTube Music සඳහා සතිපතා update වන personalized mix playlists හතරක් එකතු කිරීමට කටයුතු කරයි

පසුගිය සති කිහිපය පුරාවට YouTube සමාගම විසින් YouTube Music වෙත නව පහසුකම් කිහිපයක්ම හඳුන්වාඳීමට කටයුතු කළ අතර "Related tab" එක සහ අලුත් Explore tab එක එම පහසුකම් අතර වුණා.

මේ වන විට YouTube Music පරිශීලකයින් හට ලැබෙන අලුත්ම feature එක වන්නේ පරිශීලකයින්ගේ පුද්ගලික රුචිය අනුව නිර්මාණය කෙරෙනු ලැබෙන mix playlists එනම්, Chill Mix, Workout Mix, Energy Mix සහ Focus Mix යනුවෙන් නවතම playlists හතරක් හඳුන්වාඳීමයි.

ඉහත සඳහන් කළ නව playlists හතරම සෑම සඳුදා දිනකම නව ගීත එක්වෙමින් update වීමක් සිදු වන නමුත් දැනට, YouTube Music dashboard එක හරහා සෘජුවම මෙම අලුත් playlists සඳහා පිවිසිමට නොහැකිය.

පළමුව ඉහත link හරහා ගොස් මෙම අලුතින් හඳුන්වා දුන් playlist අතරින් කැමති playlist තෝරාගෙන ඒවා තමන්ගේ music library එකෙහි save කිරීමෙන් අනතුරුව මේ අලුත් playlists සාමාන්‍යය playlist එකක් මෙන් භාවිතා කිරීමේ හැකියාව ලැබෙනු ඇත.

මෙම වසර අවසාන වන විට Google සමාගම විසින් Google Play Music සේවාව නවතා දැමීමට සූදානම් වන නිසාම, Google Play Music වල ඇති ගීත YouTube Music වලට සෘජුවම Transfer කිරිමට හැකියාව ලබා දීමට Google සමාගම කටයුතු කළ අතර ඉදිරි සති කිහිපය තුළ තවත් අලුත් පහසුකම් YouTube Music සේවාව සඳහා එක් වීමට ‍බොහෝ ඉඩකඩ තිබෙනවා.

මේ පිළිබඳ වැඩිදුර විස්තර දැනගැනීම සඳහා Android Central වෙබ් අඩවිය සහ Android Police වෙබ් අඩවිය භාවිතා කළ හැකිය.