WhatsApp Storage Management Tool එක සියළුම පරිශීලකයන් හට ලබාදීමට WhatsApp ආයතනය කටයුතු කරයි
WhatsApp ආයතනය විසින් ඔබගේ device එකෙහි storage එක කළමනාකරණය කරගැනීම සඳහා නව පහසුකම් කිහිපයක් ලබාදීමට සූදානම් වන බව මීට පෙර ලිපියකින් අප ඔබව දැනුවත් කළා මතක ඇති.
මේ වනවිට WhatsApp පරිශීලකයන් හට මෙම redesign කළ storage management tool එක හඳුන්වාදීමට WhatsApp ආයතනය කටයුතු කර තිබෙන අතර Settings > Storage and data > Manage storage වෙත පිවිසීමෙන් ඔබට මෙම tool එක භාවිතා කිරීමට හැකියාව තිබෙනවා.
ඔබ නව storage management tool එක විවෘත කළ විට, ඉහළින් නව bar එකක් දැකගැනීමට හැකිවන අතර එම bar එකෙන් ඔබගේ උපාංගයේ දැනට භාවිතා කර ඇති storage එක සහ free space එක පිළිබඳව විස්තර දැකගැනීමට හැකියාව තිබෙනවා.
එමෙන්ම, 5MB වලට වඩා විශාල files සහ කිහිප වතාවක්ම forward කළ media files delete කිරීම සඳහා වෙනම section එකක්ද මේ සඳහා හඳුන්වාදී තිබෙනවා.
මෙම storage management tool එක විශේෂයෙන්ම අවම storage එකක් සහිත ජංගම දුරකතන භාවිතා කරන පරිශීලකයින් හට ප්‍රයෝජනවත් වනු ඇති අතර මෙම විශේෂාංගය දැනටමත් සියලුම Android සහ iOS භාවිතා කරන WhatsApp පරිශීලකයන් සඳහා ලබාගැනීමට හැකියාව තිබෙන බවද වාර්තා වෙනවා.
මේ ගැන වැඩිදුර විස්තර දැනගැනීම සඳහා Android Police වෙබ් අඩවිය සහ XDA-Developers වෙබ් අඩවිය භාවිතා කළ හැක.