Spotify සමාගම විසින් redesign කරන ලද desktop සහ web player UI එකක් හඳුන්වාදීමට කටයුතු කරයි

Spotify පරිශීලකයන් හට පුළුල් personalize experience එකක් ලබාදීම සඳහා Spotify විසින් mobile home screen එක වැඩිදියුණු කිරීමට කටයුතු කරමින් සිටින බව මීට පෙර ලිපියකින් අපි ඔබව දැනුවත් කලා මතක ඇති.

මේ වනවිට, Spotify සමාගම විසින් සිය desktop සහ web player එක සඳහා redesign කරන ලද UI එකක් හඳුන්වාදීමට කටයුතු කර ඇති අතර Spotify සමාගම සඳහන් කරන ආකාරයට ඔවුන් මෙම redesign එක සිදුකර තිබෙන්නේ මාස ගණනාවක් පුරාවට සිදුකල research වල ප්‍රතිඵලයක් ලෙස වෙනවා.

මෙම නව redesign එකත් සමඟ Spotify පරිශීලකයන් හට content සොයාගැනීම වඩාත් පහසු වන අතර search option එක දැන් navigation page එකෙහි වම් පැත්තේ ඇති අතර ඔබේ feed එකේ ඉහළින් කලාකරුවන් සහ tracks ඇතුළත් වෙනවා.

“…” menu එක click කිරීම මගින් ඔබට දැන් ඕනෑම ගීතයක් හෝ කලාකරුවෙකු සඳහා radio session එකක් ආරම්භ කළ හැකි අතර Spotify සමාගම විසින් මෙහිදී පරිශීලකයින් හට playlists සඳහා වැඩි පාලනයක් ලබා දී තිබෙනවා.

ඊට අමතරව ඔබගේ queue එක edit කිරීමට සහ recently play කළ tracks පහසුවෙන් access කිරීමටද මෙමගින් හැකියාව ලබාදී තිබෙන අතර ඉහළ දකුණු කෙළවරේ ඇති dropdown menu එක හරහා “Your Library” එකෙහි sorting options වෙනස් කිරීමේ හැකියාවද ලබාදී තිබෙනවා.

අවසාන වශයෙන්, නව redesign එක මගින් නව download button එකක්ද හඳුන්වාදීමට කටයුතු කර තිබෙන අතර මෙම UI එකත් සමඟ නව layout එකක් ලබාදීමට අමතරව smooth animations කිහිපයක්ද ලබා දී තිබෙනවා.

මේ පිළිබඳව වැඩිදුර විස්තර දැනගැනීම සඳහා Spotify Newsroom සහ XDA-Developers වෙබ් අඩවිය භාවිතා කළ හැක.