macOS එකේ අලුත්ම සංස්කරණය වන macOS Big Sur සංස්කරණය නිකුත් කිරීමට Apple සමාගම කටයුතු කරයි
පසුගිය ජුනි මස 22 වැනි දින පැවති Apple WWDC event එක අතරතුරදී නිවේදනය කරනු ලැබූ, Apple සමාගමේ macOS එකේ 11 වැනි සංස්කරණය, එනම් macOS Big Sur සංස්කරණය පිළිබඳව මීට පෙර අපි ඔබව දැනුවත් කිරීමට කටයුතු කළා මතක ඇති.
එමෙන්ම පසුගියදා පැවති Apple One More Thing event එක අතරතුරදී, ඊයේ දිනයේ, එනම් නොවැම්බර් 12 වැනි දින මෙම මෙහෙයුම් පද්ධතියේ release candidate සංස්කරණය නිකුත් කිරීමට Apple සමාගම කටයුතු කළ අතර මේ වන විට එහි stable සංස්කරණය ද පරිශීලකයින් හට නිකුත් කිරීමට කටයුතු කර තිබෙනවා.
Apple සමාගමේ නව M1 chip එකට සහාය දක්වන පළමුවැනි macOS සංස්කරණය මෙය වනු ඇති අතර මෙහි ඇති අලුත් වෙනස්කම් බොහෝමයක් iOS එකෙන් උකහාගත් පහසුකම් වන බව ද වාර්තා වෙනවා.
Next stop, Big Sur.
— Apple Support (@AppleSupport) November 12, 2020
Get ready for a streamlined design, customizable Control Center, Memoji, and more. Watch our video on YouTube to learn how to update your Mac: https://t.co/bswzGzM3kh pic.twitter.com/NtiqEj9KPu
මෙහි ඇති පහසුකම් වලින් විශේෂ පහසුකමක් වන්නේ ඔබ Apple M1 chip එකක් හරහා බළගැන්වෙන mac පරිගණකයක් භාවිතා කරන්නේ නම්, iOS සහ iPadOS වල ඇති apps සියල්ලම native ලෙස මේ macOS Big Sur මෙහෙයුම් පද්ධතිය මත ධාවනය කළ හැකි වීමයි.
මෙයට හේතුව වන්නේ iPhone සහ iPad සඳහා භාවිතා කරන්නේ ද ARM architecture එක මත පදනම්ව නිර්මාණය කරනු ලැබූ chipset වන අතර, Apple M1 chip එක ද ARM architecture එකට අනුව නිර්මාණය කර තිබීමයි.
Apple සමාගම macOS සඳහා වන ඔවුන්ගේ native apps සියල්ලම පාහේ මේ M1 chip එකට ගැලපෙන අයුරින් නිර්මාණය කර ඇති බව වාර්තා කරන අතර, කොහොම නමුත් මෙහිදී සඳහන් කළ යුතු කාරණය වන්නේ x86 instruction set එකට ගැලපෙන පරිදි නිර්මාණය කර ඇති අනෙකුත් සියළුම මෘදුකාංග මෙහි ධාවනය වන්නේ Rosetta 2 emulation සේවාව හරහා වන බවයි.
A fresh design, and lots of new features for Safari, Messages, Maps, and more.
— Apple Support (@AppleSupport) November 11, 2020
Get ready for macOS Big Sur. See if your Mac is compatible. 👇 pic.twitter.com/yNcgLPGHY6
මේ අලුත් macOS සංස්කරණය පහත දැක්වෙන devices සඳහා ලබාදෙනු ලබනවා.
- 2015 වර්ෂයෙන් පසුව නිකුත් කළ MacBook
- 2013 වර්ෂයෙන් පසුව නිකුත් කළ MacBook Air
- 2013 වර්ෂයෙන් පසුව නිකුත් කළ MacBook Pro
- 2014 වර්ෂයෙන් පසුව නිකුත් කළ iMac
- 2017 වර්ෂයෙන් පසුව නිකුත් කළ iMac Pro
- 2014 වර්ෂයෙන් පසුව නිකුත් කළ Mac mini
- 2013 වර්ෂයෙන් පසුව නිකුත් කළ Mac Pro
කොහොම නමුත් macOS එකේ පසුගිය සංස්කරණය වන macOS Catalina සඳහා සහාය දැක්වූ පහත සඳහන් devices වලට මේ අලුත් macOS Big Sur සංස්කරණය ලබා නොදීමට Apple සමාගම තීරණය කර තිබෙනවා.
- 2012 සහ 2013 මුල් භාගයේදී නිකුත් කළ MacBook Pro
- 2012 MacBook Air
- 2012 සහ 2013 iMac
- 2012 Mac mini
Is macOS Big Sur stable enough to upgrade on your Mac? https://t.co/AGIdIUiIt4 by @michaelpotuck pic.twitter.com/iItFmZ7KIR
— 9to5Mac.com (@9to5mac) November 12, 2020
කොහොම නමුත් මෙම සංස්කරණය නිකුත් කළ සැනින් ලොව පුරා පරිශීලකයින් විසින් update කිරීමට කටයුතු කළද, ඒ හරහා විවිධ ආකාරයේ ගැටළු වලට මුහුණදීමට බොහෝ දෙනා හට සිදුව ඇති බව ද වාර්තා වෙනවා.
මේ ගැන වැඩිදුර විස්තර දැනගැනීම සඳහා The Verge වෙබ් අඩවිය සහ Mac Rumors වෙබ් අඩවිය භාවිතා කළ හැක.