Dropbox සහය ඇතිව Facebook Photos සහ videos හුවමාරු කරගැනීමට අවස්ථාව ලබාදෙයි

මේ වසර මුලදී Facebook සමාගම විසින් පරීශීලකයන් හට Facebook Photos සහ videos, Google Photos වෙත transfer කිරීමේ tool එකක් හඳුන්වාදීමට කටයුතු කළ බව අපි ඔබව දැනුවත් කිරීමට කටයුතු කළා මතක ඇති.

මෙම tool එක පිළිබඳව පරීශීලකයන් බොහෝ දෙනා කැමත්ත දක්වා තිබූ නමුත් මෙතෙක් Google Photos හැර වෙනත් සේවාවක් වෙත Facebook Photos සහ videos හුවමාරු කරගැනීමට අවස්ථාව නොතිබූ නමුත්, මේ වන විට Dropbox සහ Koofr යන සේවාවන් වෙත තමන්ගේ Facebook Photos, videos හුවමාරු කර ගැනීමට අවස්ථාව ලබාදී තිබෙනවා.

මෙලෙස හඳුන්වාදී ඇති පහසුකම හරහා Dropbox සහ Koofr යන සේවාවන් වෙත clicks කිහිපයක් හරහා තමන්ගේ සියළුම Facebook photos සහ videos transfer කරගත හැකි අතර මීට අදාල පියවර සඳහන් කිරීමට ද Facebook සමාගම කටයුතු කර තිබෙනවා.

මෙම Tool එක භාවිතා කිරීම ඉතාමත් පහසු වන අතර ඔබ සිදු කළ යුතුව ඇත්තේ Facebook හි Settings වල ඇති “Your Facebook Information” tab එක හරහා ඔබගේ Facebook Account එක Dropbox, Koofr හෝ Google Photos Account එක සම්බන්ධ කිරීම පමණක් වන අතර, ඒ හරහා ඔබගේ Facebook Photos ඔබ විසින් තොරා ඇති Account එකට හුවමාරු කිරිමට කිරිමට හැකියාව ලැබෙනවා.

මෙම සේවාව බළගැන්වෙන්නේ Microsoft, Google, Facebook, Twitter වැනි ප්‍රධාන තාක්ෂණික සමාගම් මගින් පවත්වාගෙන යනු ලබන open-source ව්‍යාපෘතියක් වන The Data Transfer Project යන ව්‍යාපෘතිය හරහා වන අතර මෙය මූලිකව 2018 වර්ෂයේදී ආරම්භ කරනු ලැබුවා.

මේ ගැන වැඩිදුර විස්තර දැනගැනීම සඳහා නිළ Facebook Newsroom වෙබ් අඩවිය, Android Police වෙබ් අඩවිය, Dropbox Blog අඩවිය සහ Koofr වෙබ් අඩවිය භාවිතා කළ හැක.