Facebook Dating පහසුකම යුරෝපයීය රටවල් වලට ද ලබාදීමට Facebook ආයතනය කටයුතු කරයි

මීට වසර දෙකකට පමණ පෙර Facebook Dating feature එක ප්‍රධාන Facebook app එකතු කිරීමට Facebook සමාගම කටයුතු කරමින් සිටින බව අපි ඔබව දැනුවත් කළා මතක ඇති.

මෙම පහසුකම 2019 වර්ෂයේදී ඇමෙරිකාවට ලබාදීමට කටයුතු කර තිබුණු අතර පසුගිය Valentine's day එක අතරතුර යුරෝපා රටවල් වලට ලබාදීමට සූදානම් කර තිබුණත් එය කල්ගිය එය සාර්ථක වී තිබුණේ නැහැ.

ඔන්න දැන් Facebook සමාගම විසින් මේ පහසුකම නිළ වශයෙන් යුරෝපයීය රටවල් වල සිටින Facebook පරිශීලකයින් හට ලබාදීමට කටයුතු කර ඇති බව වාර්තා වෙනවා.

මේ සේවාව දැනටමත් බොහෝ ජනප්‍රිය dating app එකක් වන Tinder සේවාව ඉලක්ක කරගෙන නිකුත් කරනු ලබන සේවාවක් වන බව දැකියහැකි අතර, US පරිශීලකයින් හට ලබාදී තිබුණු සියළුම පහසුකම් යුරෝපය වෙතද ලබාදීමට කටයුතු කර ඇති බව දැකගත හැකි වෙනවා.

මේ අතරට 2019 වර්ෂයේ මැයි මාසයේදී අපි ඔබට වාර්තා කළ Secret Cruch පහසුකම ද අන්තර්ගත වන බව වාර්තා වෙනවා.

මේ අනුව මෙම Facebook Dating සේවාව එක්සත් රාජධානිය, ජර්මනිය, නෙදර්ලන්තය, ස්පාඤ්ඤය ඇතුළු රටවල් 50ක පමණ පරිශීලකයින් හට භාවිතා කිරීමේ හැකියාව ලබාදී ඇති නමුත්, තවමත් ශ්‍රී ලංකාවට මෙම පහසුකම ලබාදීම පිළිබඳව හෝ ඊට අදාල කාළ-වකවානුවක් පිළිබඳව වාර්තා වන්නේ නැහැ.

මේ ගැන වැඩිදුර විස්තර දැනගැනීම සඳහා The Verge වෙබ් අඩවිය සහ TechCrunch වෙබ් අඩවිය භාවිතා කළ හැක.