Oppo සමාගමේ SuperVOOC තාක්ෂණය හරහා 4000mAh Battery එකක් මිනිත්තු 30ක් ඇතුලත charge කළ හැකි වෙයි
ජංගම දුරකථන වල සියළුම පහසුකම් ඉතාමත් වේගයෙන් දියුණු වුවත් බැටරි තාක්ෂණය එම වේගයෙන් දියුණු නොවීම ගැන බොහෝ දෙනෙක් තම කනස්සල්ල පළ කරන කාරණයක් බවට පත්ව තිබෙනවා.
මේ වන විට ලෝකයා feature phones වලින් smartphone වලට මාරු වී දශකයක පමණ කාලයක් ගතවී තිබුණත් දින කිහිපයක් තබාගත හැකි battery එකක් smartphone වලට ඇතුලත් නොවන අතර සෑම රාත්‍රියකම පාහේ එය charge කිරීමට සිදු වෙනවා.
කොහොම වුණත්, Oppo සමාගමේ 65W SuperVOOC charging තාක්ෂණය හරහා මිනිත්තු 30ක් ඇතුලත, 4,000mAh බැටරියක් 0% සිට 100% තෙක් charge කර ගැනිමට හැකියාව ලබා දෙන බව ඔවුන් පෙන්වා දෙනවා.
After a lot of anticipation about 65W SuperVOOC, let me show you how fast it really is! 😎 pic.twitter.com/p1UHi18v6Q
— Brian Shen (@BrianShenYiRen) September 17, 2019
Oppo සමාගමේ අලෙවිකරන නිළධාරියෙකු වන Brian Shen මහතා ඔහුගේ Twitter ගිණුම හරහා ඉහත වීඩියෝව ප්‍රකාශයට පත් කර ඇති අතර ඒ අනුව මිනිත්තු 30 කින් 0-100% සිට 4,000mAh බැටරියක් ආරෝපණ කල හැකි බව පෙන්වයි.
Oppo Reno Ace ජංගම දුරකථනය ඔක්තෝම්බර් 10 වන දින එළිදැක්වීමට නියමිත වන අතර, එම ජංගම දුරකථනයේ මේ අලුත් Option එක වන 65W SuperVOOC Fast Charge 2.0 අන්තර්ගත වනු ඇති බව විශ්වාස කෙරෙනවා.
මීට අමතරව 30W Wireless VOOC Flash Charge 4.0 තාක්ෂණය හරහා මිනිත්තු 80ක් ඇතුලත 4,000mAh batteery එකක් සම්පූර්ණයෙන් charge කරගත හැකි බවත්, එම තාක්ෂණය Qi standard එකට සහාය දක්වන බවත් ඔවුන් වැඩිදුරටත් පෙන්වා දෙනවා.
මැතකදි අප දුටු කරුණු අනුව Xiaomi සමාගම විසින් හදුන්වා දුන් 100W “Super Charge Turbo” තාක්ෂණය මගින් විනාඩි 17ක් ඇතුලත 0% - 100% දක්වා දුරකථනයත් ආරෝපණය කිරීමේ හැකියාව ඇති අතර Vivo සමාගමද එයට නොදෙ‍වැනිව 120W fast charging තාක්ෂණයක් එළි දැක්වු අතර ඒ හරහා මිනිත්තු 13ක් ඇතුලත දුරකථකයේ බැටරිය 0% - 100% දක්වා ආරෝපණය කිරීමේ හැකියාව ලැබෙනවා.
මේ ගැන වැඩිදුර විස්තර දැනගැනීම සඳහා XDA-Developers වෙබ් අඩවිය හා GSM Arena වෙබ් අඩවිය භාවිතා කළ හැක.