Mate 40 ජංගම දුරකථන සඳහා ඇතුලත් කිරීමට නියමිත Kirin 1000 chipset අත්හදාබැලීමට Huawei සමාගම කටයුතු කරයි

පසුගිය සැප්තැම්බර් මාසයේ Huawei සමාගම විසින් මෙතෙක් එළිදක්වා ඇති බළවත්ම chipset එක වන Kirin 990 chipset එක සමඟින් Mate 30 ජංගම දුරකථනය එළිදැක්වීමට කටයුතු කරනු ලැබූ බව මතක ඇති.

මේ Kirin 990 chipset එක 7nm FinFET Plus EUV තාක්ෂණය යටතේ නිෂ්පාදනය කර ඇති 5G Modem එකක් සහ Da Vinci Neural Processing Unit (NPU) එකකින් සමන්විත වෙනවා.

නමුත් නවතම වාර්තා අනුව Huawei සමාගම සිය මීළඟ Flagship ජංගම දුරකථනය බලගැන්වීම සඳහා 5nm තාක්ෂණයෙන් යුතු Kirin 1000 Chipset එක Develop කිරීමට කටයුතු කරමින් සිටින බවයි.

අදාල වාර්තාවන් පෙන්වා දෙන්නේ මෙම බලසම්පන්න අලුත්ම chipset එක මීළඟට එළිදැක්වීමට නියමිත Huawei Mate 40 ජංගම දුරකතන පෙළ සමඟ නිකුත් කරනු ඇති බවයි.

මෙම නවතම chipset එක නිෂ්පාදනය කිරීම සඳහා මෙම වසර මුලදී නිකුත් වූ Cortex-A77 architecture එක භාවිතා වනු ඇති අතර එය දැනට පවතින Kirin 990 chipset එකේ අඩංගු Cortex-A76 architecture එකට වඩා 20%ක කාර්යක්ෂමතාවයක් ලබාදීමට සමත් වෙනවා.

කොහොම නමුත් මේ අලුත් chipset එක නිකුත් වීමට තවත් මාස 10 ක පමණ කාලයක් ඇති අතර ඒ අතරතුර අපට මේ පිළිබඳ වැඩිදුර තොරතුරු දැනගන්නට ලැබෙනු ඇති.

මේ ගැන වැඩිදුර විස්තර දැනගැනීම සඳහා GSM Arena වෙබ් අඩවිය හා Huawei Central වෙබ් අඩවිය භාවිතා කළ හැක.