ජනවාරි මාසයේ සිට කඩදාසි රහිත විදුලි බිල්පතක් නිකුත් කිරීමට සූදානම් බව රජය විසින් නිවේදනය කරයි
මේ වන ශ්‍රී ලංකාව තුළ ඇති වී ඇති ආර්ථික අර්බුදය හේතු කොටගෙන භාණ්ඩ රැසක මිල ගණන් ඉහළ ගොස් තිබෙන බව ඔබ මේ වන විටත් දන්නවා ඇති. උද්ධමනය හමුවේ කඩදාසිවල මිල ගණන් අධික වී ඇති අතර මේ වන විටත් බොහෝ සේවාවන් මඟින් කඩාදාසි රහිත ඩිජිටල් බිල්පත් ලබා දෙන බව අප දනිමු.
ශ්‍රී ලංකා විදුලි බල මණ්ඩලය විසින් ඔබේ නිවසට විදුලි බිල්පත මනු කියවන්නෙකු හරහා කඩදාසි මාධ්‍යයෙන් ඔබ වෙත මේ වන විටත් ලබා දෙනු ලබනවා. කෙසේ වෙතත් පවතින ආර්ථික අර්බුදය හමුවේ කඩදාසි මිල ඉහළ යාම හේතුවෙන් ඉදිරියේදී කඩදාසි රහිත බිල් පතක් තම පාරිභෝගිකයන් වෙත ලබා දීමට කටයුතු කරන බවට අද දින බලශක්ති අමාත්‍යවරයා සහ විදුලි බල මණ්ඩලය හමුවේ පැවති රැස්වීමකදී තීරණය කර තිබෙනවා.
2) Decided to introduce paperless bills & receipts from Jan to all customers, regulate the fixing of street lamps & operating street lamps, outsourced services to be done with existing staff & work that cannot be competed by CEB to be done with the assistance of Local Councils.
— Kanchana Wijesekera (@kanchana_wij) December 7, 2022
බලශක්ති අමාත්‍ය කන්චන විජේසේකර මහතා විසින් Twitter පණිවුඩයක් හරහා නිවේදනයක් නිකුත් කරමින් පවසා සිටියේ ඉදිරි ජනවාරි මාසයේ සිට කඩදාසි රහිත බිල් පතක් පාරිභෝගිකයන් වෙත නිකුත් කරන බවයි.
කෙසේ වෙතත් TechNews.LK අප කළ විමසීමකදී බලශක්ති අමාත්‍යාංශය විසින් පවසා සිටියේ මේ සම්බන්ධ සාකච්ඡා මේ වන විටත් ක්‍රියාත්මක වෙමින් පවතින බවත් ඉදිරියේදී පැහැදිලි කිරීමක් නිකුත් කිරීමට බලාපොරොත්තු වන බවයි.
මේ වන විටත් ඔබට විදුලි බිල්පත විද්‍යුත් මාධ්‍යයෙන් e-bill එකක් ලෙස ලබා ගැනීමේ පහසුකම තිබෙනවා. ebill.ceb.lk වෙබ් අඩවියට පිවිසීමෙන් ඒ සඳහා ලියාපදිංචි විය හැක.
අප විසින් සොයා බැලූ පරිදි ඉදිරියේදී SMS පණිවුඩයක් හරහා, email පණිවුඩයක් හරහා හෝ පාරිභෝගික අංකය hotline අංකයක් වෙත යැවීමෙන් තම බිල්පත ඩිජිටල් ආකාරයට ලබාගත හැකි වනු ඇති.
TechNews.LK අප කළ විමසීමක් හරහා ලබා ගත් තොරතුරු මත පදනම්ව මෙම ලිපිය සකස් කර ඇති අතර ඉදිරියේදී වැඩිදුර විස්තර ලබා දීමට අපි සූදානම් වී සිටිමු