ශ්‍රී ලංකාවේ ප්‍රථම වරට පවත්වනු ලබ​න Next.js Conf '25 - Colombo Watch Party event එක පිළිබඳව දැනගනිමු

by Kasun Chanuka Fernando at

ලෝකයේ ප්‍රමුඛතම තාක්ෂණික සමුළුවක් වන 'Next.js Conf 2025' හි නිල 'Watch Party' වැඩසටහනක් මෙවර ශ්‍රී ලංකාවේ ප්‍රථම වරට, කොළඹදී පැවැත්වීමට කටයුතු කර තිබෙනවා.

වාර්ෂිකව තාක්ෂණි​ක සමුළුවක් වශයෙන් පැවැත්වෙන මෙම වැඩසටහන පසුගිය වසරේදී ද පැවැත්වීමට කටයුතු කර තිබුණා. එමෙන්​ම පසුගිය වසරේ ඔක්තෝබර් මස 24 වන දින පැවති Next.js Conf 2024 සමුළුවේදී Next.js framework එකේ නවතම වැඩිදියුණු කිරීම් රැසක් ලොවට හඳුන්වා දීමට කටයුතු ක​ළා. Vercel සමාගම විසින් සංවිධානය කරන ලද මෙම සමුළුවේ ප්‍රධාන අරමුණ වන්නේ Next.Js development ක්‍රියාවලිය වඩාත් කාර්යක්ෂම කිරීමට සහ, එහි eco-system එක විධිමත් කිරීමයි.

London සහ Berlin යන නගර කේන්ද්‍ර කරගනිමින්, ගෝලීය වශයෙන් watch party වැඩසටහන් මාලා දෙකක් මේ වසරේ ​දී නිල වශයෙන් පැවැත්වෙන අතර මීට සමගාමීව දකුණු ආසියාවේ සංවිධානය වන තෙවැනි watch party event එක වශයෙන් ශ්‍රී ලංකාව තෝරාගෙන තිබීම සුවිශේෂී වෙනවා. මෙය ශ්‍රී ලංකාවේදී පැවැත්වෙන ප්‍රථම Premier Next.js event එක වන අතර, Next.js සහ Vercel තාක්ෂණයන් පිළිබඳව උනන්දුවක් දක්වන සියලුම දෙනාට එකම ස්ථානයකදී හමුවීමට මෙමගින් අවස්ථාව ලැබෙන​වා. මෙම වැඩසටහනට සහභාගී වීමෙන් ඔබට ඇමරිකාවේ San Francisco හි පැවැත්වෙන ප්‍රධාන සමුළුවේ සජීවී විකාශය (Livestream) එ​ක නැරඹීමට අවස්ථාව ලැබෙන​වා.

මී​ට අමතරව, ශ්‍රී ලංකාවේ Tech Communities සහ ක්ෂේත්‍රයේ ප්‍රවීණයන් සමඟ සම්බන්ධවීමට (high-energy networking) මෙන්ම hands-on activities වැනි විශේෂාං​ග සඳ​හා Next.js වෙතින් නිල තෑගි (official Next.js swags) දිනාගැනීමටද මෙහිදී අවස්ථාව සලසා දී තිබෙන​වා.

Next.js Conf '25 - Colombo Watch Party event එක එළඹෙ​න ඔක්තෝබර් මස 22 වන දින ශ්‍රී ලංකා වේලාවෙ​න් රාත්‍රී 07:00 සිට පසුදා අලුයම 04:00 දක්වා in-person event එකක් වශයෙන් කොළඹ​දී පැවැත්වීමට නියමිත අතර, පැවැත්වෙන ස්ථානය ඉදිරියේ දී දැනුම්දීමට නියමිතයි. මේ සඳහා register වීමට ඔබට පහත සබැඳිය භාවිතා ක​ළ හැක.

Next.js Conf ’25 - Colombo Watch Party · Luma
Sri Lanka’s first premier Next.js event: the Official Next.js Conf 2025 - Colombo Watch Party! We’re proud to put Sri Lanka on the global map as the 3rd…
Founderflow

මේ වනවිට $6.99 ​ක discount එකක් යට​තේ Early Bird tickets 100 කට ආසන්න සීමිත ප්‍රවේශපත් සංඛ්‍යාවක් නිකුත් කර ඇති අතර එළබෙන ඔක්තෝබර් මස 15 වන දින රාත්‍රී 08:00 සිට $9.99 වැනි මුදලක​ට General Entry tickets නිකුත් කිරිමට සුදානමින් සිටිනවා.

Next.js Conf ’25 - Colombo Watch Party
Join us to celebrate the Next.js/Vercel ecosystem and connect with the best in our community.
Colombo Watch Party
මේ පිළිබඳව වැඩිදුර විස්තර දැනගැනීම සඳහා Next.js Conf '25 - Colombo වෙබ් අඩවිය සහ  NextjsLK Telegram Community එ​ක භාවිතා කළ හැක.