Google සමාගම ඔවුන්ගේ Nest Hub Smart Display එක සදහා අලුත් UI එකක් අත්හදාබැලීමට කටයුතු කරයි

Google සමාගම විසින් මෑතකදී ඔවුන්ගේ Nest Hub සහ Nest Hub Max smart display සඳහා අලුත් firmware update (v1.46) එකක් නිකුත් කිරීමක් සිදු වූ අතර ඒ හරහා usability features සහ interface වෙනස් කිරීම් කිහිපයක්ම ලබාදීමට කටයුතු කර තිබුණා.

එමෙන්ම ඔවුන්ගේ නිළ Blog අඩවිය හරහා නිවේදනයක් නිකුත් කරමින් Google සමාගම ප්‍රකාශ කරන්නේ තාක්ෂණික දැනුමින් අඩු පරිශීලකයින් වෙනුවෙන්ම වෙන් වුණු සරළ UI එකක් මේ Nest Hub සඳහා හඳුන්වාදීමට බළාපොරොත්තු වන බවත්, එය මේ වන විටත් අත්හදාබලමින් පවතින බවත් ය.

මේ අලුත් UI එක හරහා විශේෂයෙන්ම වැඩිහිටියන් හට තෝරාගත් contacts list එකක් සඳහා පහසුවෙන් video call ගැනීමේ හැකියාව ඇතුලත් වන අතර කාළගුණය පිළිබඳව තොරතුරු පෙන්වීම, alarm set කිරීම, music play කිරීම වැනි දේවල් වලට අදාල cards ද ඇතුලත් කිරීම මගින්, අවම උත්සාහයකින් තමන්ට අවශ්‍යය කටයුත්ත සිදු කරගැනීමේ හැකියාව ලබාදීමට මොවුන් කටයුතු කර තිබෙනවා.

එමෙන්ම මේ devices හරහා පරිශීලකයින්ගේ privacy එකට හානියක් නොවීම වෙනුවෙන් "signed out" mode එකක් හරහා මෙය ක්‍රියාත්මක වන අතර, මේ හරහා ලබාදෙන voice විධාන කිසිවක් store නොකරන බවත්, අනෙකුත් ක්‍රියාකාරකම් store කිරීමේදී anonymous ලෙස දත්ත ගබඩා කිරීමටත් කටයුතු කිරීමට Google සමාගම තීරණය කර තිබෙනවා.

මේ ගැන වැඩිදුර විස්තර දැනගැනීම සඳහා xda-developers වෙබ් අඩවිය සහ නිල Google Blog වෙබ් අඩවිය භාවිතා කළ හැක