Windows 7 වලට Chrome සඳහා සහාය ලබාදීමේ කාලසීමාව දීර්ඝ කිරීමට Google සමාගම තීරණය කරයි

by Sachin Kavindu at

Google සමාගම විසින් ඔවුන්ගේ Chrome Browser එක Windows 7 මෙහෙයුම් පද්ධතිය සඳහා සහාය දීම 2021 වර්ෂයේ ජුලි මස 15 වැනි දින දක්වා පමණක් ලබාදෙනු ලබන බවත්, ඉන් පසුව එය අතහැරදැමීමට කටයුතු කරනු ලබන බවත් මීට පෙර නිවේදනය කර තිබුණා.

කොහොම නමුත් මේ වන විට මේ පිළිබඳව නව නිවේදනයක් නිකුත් කරමින් Google සමාගම ප්‍රකාශ කර සිටින්නේ ඔවුන් තීරණය කළ දිනයට පසු තවත් අතිරේක මාස 6ක පමණ කාලයක්, එනම් 2022 වර්ෂයේ ජනවාරි මස 15 වැනි දින දක්වා මෙම සහාය ලබාදෙන කාළසීමාව දීර්ඝ කිරීමට තීරණය කර ඇති බවයි.

Chrome support for Windows 7 now until January 15, 2022 | Google Cloud Blog
Chrome is extending our support for Windows 7 until at least January 15, 2022—a 6-month extension from our previously communicated date.
Google Cloud BlogMax Christoff Engineering Director, Chrome

Google සමාගමේ දත්ත වලට අනුව ලොව දැනට පවතින ආයතන වලින් 22%ක පමණ ප්‍රමාණයක් තවමත් Windows 10 වලට upgrade වීමට කටයුතු කර නොමැති බවත්, විශේෂයෙන්ම මෙම වසරේදී ඇතිවූ COVID-19 වසංගත තත්ත්වය හේතුවෙන් බොහෝ ආයතන වලට මෙම migration එක අපහසු වී ඇති නිසාවෙන් මෙම තීරණය ගැනීමට ඔවුන් කටයුතු කර තිබෙනවා.

මේ හරහා Windows 10 වලට upgrade නොකර තවත් අතිරේක මාස 6ක කාළසීමාවක් දක්වා, එනම් 2022 වර්ෂය දක්වා තමන්ගේ පරිගණක පද්ධති වල ආරක්ෂාව පිළිබඳව අවධානමක් නොගනිමින් Chrome සඳහා වන අලුත් පහසුකම් ද අත්විඳීමට Windows 7 පරිශීලකයින් හට හැකියාව ලැබෙන බව ඔවුන් පෙන්වා දෙනවා.

මේ පිළිබඳව වැඩිදුර විස්තර දැනගැනීම සඳහා XDA-Developers වෙබ් අඩවිය සහ Engadget වෙබ් අඩවිය භාවිතා කළ හැක.