PayPal භාවිතා කරමින් cryptocurrency මිලදීගැනීමේ හැකියාව ලබාදීමට Coinbase ආයතනය කටයුතු කරයි

Coinbase සේවාව මේ වන විට cryptocurrency මිලදීගැනීම, විකිණීම සහ අනෙකුත් කටයුතු සඳහා ලොව පුරා ඉතාමත් ප්‍රසිද්ධියට පත් වූ සේවාවක් වන අතර, මේ වන විට PayPal සේවාව භාවිතා කරමින් ගණුදෙනු කිරීමේ හැකියාව ලබාදීමට ඔවුන් කටයුතු කර තිබෙනවා.

මූලිකව US PayPal ගිණුමක් හිමි ඕනෑම අයෙකුට මෙම සේවාව හරහා cryptocurrency මිලදීගැනීමේ හැකියාව ලබාදී ඇති අතර, ඉදිරි මාස කිහිපය ඇතුලතදී අනෙකුත් රටවල් සඳහා ද මේ option එක ලබාදීමට ඔවුන් සූදානමින් සිටිනවා.

මෙහි ප්‍රධානතම වාසිය වන්නේ තමන්ගේ credit හෝ debit card එක පිළිබඳව තොරතුරු මෙන්ම bank account එක පිළිබඳව තොරතුරු මෙම cryptocurrency exchange එක වෙත අනාවරණය නොකරමින් PayPal භාවිතා කර ආරක්ෂිතව තමන්ගේ ගණුදෙනුව සිදු කරගැනීමේ හැකියාව ලැබීමයි.

මේ option එක භාවිතා කරමින් අමෙරිකානු ඩොළර් 25,000 දක්වා හෝ Bitcoin 0.46 ක් (මෙම අවස්ථාවේදී) දක්වා මිලදීගැනීම් සිදු කිරීමේ හැකියාව මේ වන විට ලබාදී තිබෙනවා.

මීට අමතරව පසුගිය වසරේ නොවැම්බර් මාසයේදී PayPal හරහා සෘජුවම cryptocurrency භාවිතා කිරීමේ හැකියාව ලබාදීමට ඔවුන් කටයුතු කරනු ලැබූ අතර, Bitcoin, Ethereum, Litecoin, සහ Bitcoin Cash යන cryptocurrency සඳහා පමණක් සහාය දක්වන මෙම පහසුකම ද තවමත් ලබාගත හැක්කේ US PayPal පරිශිලකයින් සඳහා පමණයි.

මේ පිළිබඳව වැඩිදුර විස්තර දැනගැනීම සඳහා නිළ Coinbase blog අඩවිය සහ The Verge වෙබ් අඩවිය භාවිතා කළ හැක.