AI එපා - නිර්මාණකරුවන් විරෝධතාවයක

Artstation කියන්නෙ ලොව පුරා නිර්මාණකරුවන්ගේ නිර්මාණ එහෙමත් නැත්නම් content showcase කරන්න පුළුවන් community platform එකක් කිවහොත් අප නිවැරදියි. ඒ හරහා නිර්මාණකරුවන්ට තම නිර්මාණ සමාජගත කිරීමට අවස්ථාව ලැබෙන අතර සේවාදායකයන්ට තම සේවාවන් විකිණීමටද හැකියාව ලැබෙනවා.

Artificial Intelegence (AI) එහෙමත් නැත්නම් කෘතීම බුද්ධිය භාවිතා කරමින් Images Generate කිරීමේ තාක්ෂණයක් දින ගණනාවක සිට ලොව පුරා දැඩි කතා බහට ලක්වී තිබෙනවා. Midjourney, OpenAI වැනි තාක්ෂණික මෙවලම් භාවිතයෙන් Keyword එකක් යොදාගෙන විවිධ Images Generate කර ගැනීමේ හැකියාව තිබෙන මෙහි ඇති විශේෂත්වය නම් මිනිසෙකු විසින් සිතා නිර්මාණය කරන නිර්මාණයකට වඩා විචිත්‍රත්වයක් මෙම AI Generated Images වල තිබීමයි.

ඉකුත් සැප්තැම්බර් මාසයේදී ඇමරිකා එක්සත් ජනපදයේ පැවැත්වුණු Art Competition එකකදී AI තාක්ෂණය භාවිතා කරමින් නිර්මාණය කෙරුණු Art එකක් එම තරඟය ජයග්‍රහණය කිරීමට සමත් වුණා. ඒ සමඟම එම තරඟාවලිය සඳහා සහභාගී වී තිබුණු අනෙකුත් නිර්මාණකරුවන් ඔවුන්ගේ අප්‍රසාදය AI Image Generating Tools වෙත එල්ල කිරීමට කටයුතු කළා.

An A.I.-Generated Picture Won an Art Prize. Artists Aren’t Happy.

“I won, and I didn’t break any rules,” the artwork’s creator says.

NYTimesBy

කෙසේ වෙතත් සති ගණනාවක සිට විවිධ පුද්ගලයන් විසින් Artstation හි AI Generated Images විශාල වශයෙන් showcase කිරීමට පටන් ගැනීමත් සමඟ එහි සිටින සැබෑ නිර්මානකරුවන් හට එය විශාල ලෙස තර්ජනයක් වී තිබෙනවා. එම නිසා සැබෑ නිර්මාණකරුවන් රැසක් එකතු වී AI Generated Images, Artstaion වේදිකාව තුළ පළ කිරීමට විරෝධය දක්වමින් #NoToAIGeneratedImages නමින් campaign එකක් නිර්මාණය කිරීමට කටයුතු කර තිබෙනවා.

Artists Protest After ArtStation Features AI-Generated Images [Update]

The industry’s biggest portfolio site has few protections in place against it, though that may change

KotakuThe A.V. Club

එමෙන්ම විෂය ක්ෂේත්‍රයේ ප්‍රවීණයන් රැසක් AI Generated Images එම වේදිකාව තුළ පළ කිරීම සහ ඉදිරියේදී නිර්මාණකරුවන් සහ නිර්මාණ වෙළඳපොල පිළිබඳ ඔවුන්ගේ අදහස් වගේම මේ සඳහා විරෝධය දැක්වීමට කටයුතු කර තිබෙනු අපට දැක බලා ගැනීමට අවස්ථාව ලැබෙනවා.

📢

AI තාක්ෂණය භාවිතයෙන් නිර්මාණය කෙරෙන Images සහ එහි භාවිතය පිළිඳව වගේම මෙම තාක්ෂණය සමඟ ඉදිරියේදී නිර්මාණ වෙළඳපොල සහ නිර්මාණකරුවාට කුමක් සිදු වේවිද යන්න පිළිබඳව ශ්‍රී ලංකාවෙ නිර්මාණකරනයේ යෙදී සිටින විෂය ප්‍රවීණයන් විසින් දක්වනු ලැබූ අදහස් ඇතුළත් ලිපියක් TechNews.LK අපගේ වෙබ් අඩවිය තුළින් බලාපොරොත්තු වන්න.

කෙසේ වෙතත් පසුව Artstation ආයතනය විසින් ඔවුන්ගේ වේදිකාව තුළ AI Generated Images වලට එරෙහිව ඇති වී තිබෙන විරෝධය පිළිබඳව අදහස් දක්වනු ලැබුවා. එහිදී ඔවුන් පවසා සිටියේ AI Generated Images එම වේදිකාවෙන් ඉවත් නොකරන බවත් ඒ සඳහා වන Terms and Conditions සහ Copyright Policies කඩිනමින් යාවත්කාලීන කිරීමට පියවර ගන්නා බවයි. ඔවුන් විසින් පළ කරන ලද සම්පූර්ණ නිවේදනය වෙත මෙතැනින් පිවිසෙන්න.

මේ පිළිබඳව වැඩිදුර විස්තර දැනගැනීම සඳහා 80.lv වෙබ් අඩවිය සහ Kotaku වෙබ් අඩවිය භාවිතා කළ හැක.