පසුගිය වසරේ නොවැම්බර් මාසයේදි adobe සමාගම විසින් නිකුත් කරන ලද AI තාක්ෂණයෙන් ක්‍රියාත්මක වන Adobe Photoshop Camera App එක ගැන අපි ඔබව මීට පෙර දැනුවත් කළා මතක ඇති.
සචින් කවිඳු
පසුගිය වසරේ නොවැම්බර් මාසය වන විට මෙය preview මට්ටමේ පැවති අතර 2020 වර්ෂයේදී පරිශීලකයින් හට නිකුත් කිරීමට Adobe සමාගම සූදානම් වෙමින් සිටියා.
මේ වන විට මේ අලුත් Photoshop Camera app එක Google Play Store හරහා සියළුම Android පරිශීලකයින් හට download කරගැනීමේ හැකියාව ලබාදීමට කටයුතු කර තිබෙනවා.
භාවිතා කරන්නාගේ අවම මැදිහත්වීමක් යටතේ මෙන්ම AI තාක්ෂණය භාවිතා කරමින් හොඳ තත්ත්වයේ ඡායාරූපයක් ලබාගැනීම වෙනුවෙන් අවශ්‍යය වන පහසුකම් රාශියකින් මේ app එක සමන්විත වී ඇති අතර මේ හරහා ඡායාරූපයක් ලබාගැනීමේදී viewfinder එක මත අදාල effects, real-time ලෙස පෙන්වීමට ද කටයුතු කෙරෙනු ලැබෙනවා.
මීට අදාල custom filters 80 අධික ප්‍රමාණයක් ලබාදීමට Adobe සමාගම කටයුතු කර ඇති අතර මෙහි Portrait, Studio Light, Bloom, Pop Art, Spectrum, Desync, Food, Scenery, Natural Skies වැනි ප්‍රසිද්ධ filters රැසක් අන්තර්ගත වෙනවා.
මීට අමතරව influencer-inspired lenses, එහෙමත් නැතිනම් වෙනත් creator කෙනෙකු විසින් නිර්මාණය කරනු ලැබූ lenses භාවිතා කරමින් ඔබගේ ඡායාරූප ලබාගැනීමේ හැකියාව මෙයට අන්තර්ගත වන අතර, අවශ්‍යය නම් ඔබගේම lense එකක් නිර්මාණය කර අනෙකුත් පරිශීලකයින් හට භාවිතා කළ හැකි ලෙස share කිරීමට ද ඔබට හැකියාව ලැබෙනවා.
මේ පිළිබඳව වැඩිදුර විස්තර දැනගැනීම සඳහා නිළ Adobe වෙබ් අඩවිය, XDA-Developers වෙබ් අඩවිය සහ 9to5google වෙබ් අඩවිය භාවිතා කළ හැක.